پرۆسەی چەكدانانی پەكەكە لە ئەشكەوتی جاسەنە بەڕێوەدەچێت کوردستانی

نوچە نێت

ئەمڕۆ هەینی (11/تممووز/2025) بە بەشداری نوێنەرانی حكومی و لایەنە سیاسیەكان و رۆژنامەنوسان و چاودێران رێورەسمی چەكدانانی ژمارەیەك گەریلا پارتی كرێكارانی كوردستان لە ئەشكەوتی جاسەنە لە سوورداش بەرێوەدەچێت.

لە ڕێوڕەسمەكەدا، هێمن هەورامی، وەك نوێنەری سەرۆك مەسعود بارزانی، دڵشاد شەهاب، نوێنەری سەرۆك نێچیرڤان بارزانی، سەرۆکی هەرێمی كوردستان، یەکێتی نیشتمانیی کوردستان لەسەر ئاستی باڵا،  بەسێ هۆزات و مستەفا قەرەسوو، نوێنەرانی پارتی کرێکارانی کوردستان، هەروەها لیوا تارق ئەحمەد، وەك نوێنەری وەزارەتی ناوخۆی هەرێمی کوردستان  بەشدار دەبن.

دوای ئەوەی وا بڵاوكرایەوە، كە پرۆسەی چەكدادانانی پەكەكە لە سنووری ئیدارەی ڕاپەڕین بەڕێوەدەچێت، بەڵام  كەمێك لەمەوبەر ئاشكرا بوو، ڕێوڕەسمە لە ئەشكەوتی جاسەنە ئەنجام دەدرێت.

ئەشکەوتی جاسەنە بە دووریی (50) کیلۆمەتر دەکەوێتە ڕۆژئاوای شاری سلێمانی، ئەم ئەشکەوتە لە ناوچەی سورداش، لەسەر ڕێگای سلێمانی - دوکان، لە پشتی گوندی کانی خان، لە دامێنی بەرزایی "نەبی ئاغا"ی زنجیرە شاخی "سارا"یە. ئەم ناوچەیە شوێنێکی گرینگی شۆڕشی باشووری کوردستان بووە.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین