یەکێتیی ئەوروپا ئیدانەی کۆمەڵکوژیی ئێزیدییەکان دەکات عێراق ناوچەکە و جیهان

نوچە نێت

یادی یانزەهەمین ساڵیادی کۆمەڵکوژی ئێزیدییەکان لە لایەن داعشەوە، یەکێتیی ئەوروپا داوا دەکات، "هەوڵەکان زیاتر بکرێن بۆ لێپرسینەوە و دادپەروەری".

ڕۆژی یەکشەممە (سێی ئاب/2025) ماڵپەڕی (شەفەق نیوز) بڵاویکردەوە، لە ڕاگەیێندراوێکدا شاندی یەکێتیی ئەوروپا بۆ عێراق ئیدانەی کۆمەڵکوژیەکەی (2014)ی شنگالی کرد کە بە هەزاران کەس کۆمەڵکوژ کران و زیاتر لە حەوت هەزار ژن و منداڵ ڕفێندران".

لە ڕاگەیێندراوەکەی یەکێتیی ئەوروپا دووپات کراوەتەوە، "پشتگیری بەردەوام دەکرێت بۆ سەروەری عێراق و فرەچەشنی کۆمەڵایەتی، ئێزیدییەکان بەشێکی دانەبڕاون لە پێگەی کۆمەڵایەتی وڵاتەکە، بەڵام بەداخەوە کە بەهۆی هۆکاری جیاواز و نەبوونی خزمەتگوزارییە سەرەکییەکان هێشتا زۆرێک لە ئێزیدییەکان ئاوارەبووەکان نەگەراونەتەوە بۆ شوێنەکانیان".

لە کۆتایی ڕاگەیێندراوەکەدا ئاماژە بۆ ئەوە کراوە، داوا لە حکومەتی عێراق و حکومەتی هەرێمی کوردستان دەکەین، لێپرسینەوە لە تاوانەکانی داعش لە هەموو ناوچەکە بەردەوام بێت و ڕێککەوتنی شنگالی (2020) بە تەواوی جێبەجێ بکرێت، کۆمەڵگەی ئێزیدی، قوربانیان و ڕزگاربووان شایستەی دادپەروەرین.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین