سه‌رۆكى هه‌رێمى كوردستان له‌گه‌ڵ مه‌كته‌بى سیاسى پارتى كۆبووه‌وه
نوچه‌نێت
ئه‌مڕۆ چوارشه‌ممه پێنجى ئایار، نێچیرڤان بارزانى سه‌رۆكى هه‌رێمى كوردستان به یاوه‌رى جێگرانى سه‌ردانى مه‌كته‌بى سیاسى پارتى كرد و له‌لایه‌ن فازڵ میرانى سكرتێرى مه‌كته‌بى سیاسى پارتى و ئه‌ندامانى مه‌كته‌بى سیاسى ئه‌و حزبه پێشوازى لێكرا.
ئه‌م سه‌ردانه‌ى سه‌رۆكى هه‌رێمى كوردستان دواى ئه‌وه دێت له دوو رۆژى رابردوو سه‌ردانى هه‌ر یه‌كه له كۆمه‌ڵى دادگه‌ریى كوردستان و یه‌كگرتووى ئیسلامى و بزووتنه‌وه‌ى گۆڕان و یه‌كێتى نیشتمانى و حزبى سۆسیالیستى كردووه.
سه‌رۆكایه‌تى هه‌رێمى كوردستان له‌سه‌ر سه‌ردانه‌كه‌ى نێچیرڤان بارزانى بۆ لاى پارتى راگه‌یێندراوێكى بڵاوكردووه‌ته‌وه ئه‌مه ده‌قه‌كه‌یه‌تى:
له به‌رده‌وامیى سه‌ردان و كۆبوونه‌وه‌كانیدا له‌گه‌ڵ لایه‌نه سیاسییه‌كان، به‌یانیى ئه‌مڕۆ چوارشه‌ممه 2021/5/5 به‌ڕێز نێچیرڤان بارزانى، سه‌رۆكى هه‌رێمى كوردستان، به یاوه‌ریى به‌ڕێزان جێگرانى سه‌رۆك، سه‌ردانى مه‌كته‌بى سیاسیى پارتى دیموكراتى كوردستانیان كرد و له‌لایه‌ن به‌ڕێز فازل میرانى سكرتێر و ئه‌ندامانى مه‌كته‌بى سیاسیى پارتى دیموكراتى كوردستانه‌وه پێشوازییان لێكرا.
له كۆبوونه‌وه‌یه‌كدا پرۆسه‌ى سیاسى و دۆخى هه‌رێمى كوردستان به‌گشتى، ڕۆڵى پارتى له كاركردن بۆ كه‌مكردنه‌وه و نه‌هێشتنى ناكۆكیى نێوان لایه‌ن سیاسییه‌كان و هه‌نگاونان به‌ره‌و پته‌وكردنى ته‌بایى و یه‌كڕیزیى نێوانیان، دروستكردنى میكانیزم و چوارچێوه‌یه‌كى نیشتمانى بۆ كۆكردنه‌وه‌ى لایه‌نه‌كان به هه‌موو بیروبۆچوونه جیاوازه‌كانه‌وه تا پێكه‌وه به‌ره‌وڕووى ته‌حه‌دییه‌كانى ئێستا و داهاتوو ببنه‌وه، ئاماده‌كردنى ده‌ستوورى هه‌رێمى كوردستان، هه‌ڵبژاردنه‌كانى داهاتووى عێراق و چه‌ند پرسێكى دیكه، تاوتوێ كران.
سه‌رۆك نێچیرڤان بارزانى جه‌ختى له ڕۆڵى پارتى و پێگه‌ى گرنگ و به‌رپرسیارانه‌ى بۆ به‌دیهێنانى ته‌بایى و یه‌كڕیزیى نێوان لایه‌نه سیاسییه‌كان و ئارامى و سه‌قامگیریى سیاسى له هه‌رێمى كوردستان كرده‌وه كه ده‌توانێت له‌مباره‌یه‌وه ده‌سپێشخه‌ر و كارا بێت و ڕۆڵێكى ئه‌رێنیى به‌رپرسانه و نیشتمانى بگێڕێت.
لاى خۆیه‌وه مه‌كته‌بى سیاسى پارتى دیموكراتى كوردستان، وێڕأى ستایشى و ده‌ستخۆشى، هه‌موو پشتگیرییه‌كى خۆى بۆ ئه‌رك و ده‌ستپێشخه‌ریى سه‌رۆك نێچیرڤان بارزانى و سه‌رۆكایه‌تیى هه‌رێمى كوردستان و هه‌وڵدانیان له‌پێناو ته‌بایى و پێكه‌وه‌یى و یه‌كڕیزیى لایه‌ن و پێكهاته كوردستانییه‌كاندا دووپات كرده‌وه و هیواى سه‌ركه‌وتنیان بۆ خواست، هاوبه‌شى و به‌شداریى كاراى پارتیشیان بۆ ئه‌م مه‌به‌سته به ئه‌رك و به‌رپرسیاریه‌تیى پارتى له قه‌ڵه‌م دا.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment