تولای هەتیمئۆغڵولاری و تونجەر بەکرهان بە هاوسەرۆکانی دەم پارتی هەڵبژێردرانەوە
نوچەنێت
ڕۆژی دووشەممە (2026/9/7) ماڵپەڕی (habar 7) بڵاوی کردەوە، پارتی یەکسانی و دیموکراسی گەلان دەم پارتی پێنجەمین کۆنگرەی یاسایی خۆی دوێنێ لە ناوەندی کەلتووری نازم حیکمەت لە ناوچەی یەنیماهالی لە ئەنقەرە ئەنجام دا. هەریەک لە تولای هەتیموئۆغڵولەری و تونجەر بەکرهان خۆیان بۆ هاوسەرۆکانی ئەو پارتە کاندید کردەوە.
دوای دەنگدانی ئەندامانی بەشداربوو لە کۆنگرەکە، بەکۆی (535) دەنگ دووبارە تولای هەتیموئۆغڵولەری و تونجەر بەکرهان بە هاوسەرۆکانی دەم پارتی هەڵبژێردرانەوە.
پەروین بوڵدان جێگری سەرۆکی پەرلەمانی تورکیا و ئەندامی شاندی ئیمراڵی دوای بەشداریکردنی لە پێنجەمین کۆنگرەی دەم پارتی لەبارەی داهاتووی پارتەکەی رایگەیاند، "وەک پارتێک پێ دەنێینە قۆناغێکی نوێ، پیرۆزبایی لە پارتەکەمان دەکەین، بەیەکەوە لەگەڵ گەلی تورکیا خەباتێکی گەورە دەکەین لە پێناو ئاشتییەکی هەمیشەیی بۆ گەلەکەمان."
هەروەها بوڵدان ئاماژەی بەوەش کرد، "لەماوەی چەند مانگی داهاتوو کۆنگرەیەکی نوێ و بزووتنەوەیەکی نوێ و ناوێکی نوێ بونیات دەنێین و ئەمڕۆش ئەنجامدانی ئەم کۆنگرەیە یەکەم هەنگاوی قۆناغی نوێی پارتەکەمان بوو."
جێگەی باسە، دەم پارتی وەک هاوپەیمانی ئەکپارتی و مەهەپە لە پرۆسەی ئاشتی نوێی تورکیا بەشدارن وەک نوێنەری کورد و ئیمراڵی لە پەرلەمانی تورکیا. لە ئێستادا ڕۆلێکی بەرچاو دەبینێت لە دانوستاندنەکان و بەڕێوەچوونی پرۆسەکە و جێبەجێکردنی یاسای پەیوەست چەکدانان و گەرانەوەی ئەندامانی پەکەکە بۆ تورکیا، هەروەها کۆتایهێنان بە شەڕی (40) ساڵەی سوپای تورکیا و پارتی کرێکارانی کوردستان "پەکەکە".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment