وەزارەتی پێشمەرگە و وەزارەتی بەرگری عێراق كۆدەبنەوە
.jpg)
سیهام میران – تایبەت بە نوچەنێت
رۆژی شەممەی رابردوو حەوتی ئاب، تیرۆریستانی داعش لە نزیك گوندی كەنداڵ لە رێگەی نێوان مەخموور و هەولێر بازگەیەكی ساختەیان دانابوو لە ئەنجامدا سێ كەسیان لە هاووڵاتیان بریندار كرد و چەند كەسێكیشیان رفاند.
شێوازی كردەوە تیرۆرییەكەی داعش، لەلایەن شارەزایان و بەرپرسانی ئەمنی بە ئاماژەیەكی نەرێنی لێكدرایەوە و بۆیە دووپات لەسەر ئەوە كرایەوە دەبێت بە خێرایی تەواوی بڕگەكانی ئەو رێككەوتنە جێبەجێ بكرێت كە لەبارەی ناوچە كێشەلەسەرەكان لەنێوان هەولێر و بەغدا كراوە.
دوێنێ دووشەممە بەرپرسانی ئەمنی لە كەركووك ئاشكرایان كرد كە بڕیارە لەم نزیكانە وەزارەتی پێشمەرگەی هەرێمی كوردستان و وەزارەتی بەرگری عێراق بۆ ئەو ئامانجە كۆببنەوە.
محەمەد رۆستەم یاریدەردەری فەرماندەی میحوەری پێشمەرگە لە "قەرەپە- حەمرین" بە ماڵپەڕی شەفەق نیوزی راگەیاندووە، "دوای كردنەوەی سەنتەرەكانی هاوئاهەنگی لە دیالە و كەركووك و مووسڵ و مەخموور ئەوا لە كۆبوونەوەكە تاوتوێی جێبەجێكردنی بڕگەكانی تری رێككەوتنەكە دەكرێت".
هەرێم كەمال ئاغا ئەندامی لیژنەی ئاسایش و بەرگری لە پەرلەمانی عێراق لە لێدوانێكی بۆ نوچەنێت گوتی، "حکومەتی عێراقیش ئەو بۆشاییانەی بە بۆشاییەکی مەترسیدار بینیوە، بۆ هاتنەپێشی چەتەکانی داعش. باوڕیشی وایە دەبێت ئەو بۆشاییە نەمێنێت لەنێوان هێزی پێشمەرگە و سوپاکانی عێراق بۆیە کۆبوونەوەکانی داهاتووش چڕتر دەبێت لەسەر چارەسەرکردنی ئەو بۆشایانەی کە لەنێوان سوپای عێراق و هێزی پێشمەرگە هەیە".
سەبارەت بە وادەی كۆبوونەوەكە هەرێم كەمال ئاغا گوتی، "تاکو ئێستا هیچ بەروارێک دانەنراوە سەبارەت بە کۆبوونەوەکان بەڵام دەکرێت لە نزیکترین کات بێت".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment