تاڵیبان توركیا بێ ئومێد و نیگەران كرد هەواڵ

نوچه‌نێت

توركیا لە رووداوە خێراكانى ئەفغانستان نیگەرانە بۆیە پەیوەندى بە كۆمەڵێك وڵات دەكات، بێ ئەوەى ئامانجى داهاتووى له‌ دۆسیه‌ى ئه‌م وڵاته‌ ئاشكرا بكات.

ئەمڕۆ سێشەممە (١٧)ى ئاب ماڵپەڕى (ئاڕتى) بڵاویكردەوە، بەگوێرەى بەیاننامەیەكى وەزارەتى دەرەوەى توركیا، مەولوود چاوشئۆغلۆ وەزیرى دەرەوەى توركیا پەیوەندى تەلەفۆنى لەگەڵ هەریەك لە وەزیرانى دەرەوەى ئەمریكا و قەتەڕ و ئەڵمانیا و ئازه‌ربایجان و جۆرجیا و دانیمارك و یه‌نس ستۆڵتنبێرگ ئەمیندارى ناتۆ ئەنجام داوە بۆ تاوتوێكردنى دۆخى ئەفغانستان.

هەر سەبارەت بەو دۆخە بەگوێرەى هەواڵێكى رۆیتەرز، توركیا دەستەبەردارى پلانى پارێزگارى و بەڕێوبردنى فڕۆكەخانەى كابول بووه‌، بەڵام ئەگەر تاڵیبان داوا بكات، توركیا ئامادەیى دەربڕیوە بۆ دابینكردنى هاوكارى تەكنیكى و ئەمنى.

لە ناوەڕواستى حوزەیرانى ئەمساڵ لە كۆبوونەوەى جۆ بایدن لەگەڵ رەجەب تەیب ئەردۆغان، پرسى پاراستن و بەڕێوبردنى فڕۆكەخانەى كابول تاوتوێكرا، بەڵام بەهۆى رووداوەكانى ئەو دواییە توركیا بە تەواوى نیگەران بووە لەو پرسە، ئەوەش وایكرد، توركیا ناچار بكات دەستبەردارى ئەو پرسە بێت. 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین