لایه‌نه‌كانى نزیك له ئێران ته‌نیا به "حه‌شد" گره‌وى هه‌ڵبژاردن ده‌كه‌ن
نوچه‌نێت
ئه‌مڕۆ یه‌كشه‌ممه سێى تشرینى یه‌كه‌م رۆژنامه‌ى شه‌رق ئه‌وسه‌ت له راپۆرتێكدا باس له‌وه ده‌كات، لایه‌نه شیعه‌كانى نزیك له ئێران بۆ پڕوپاگه‌نده‌ى هه‌ڵبژاردن بابه‌تى "چاره‌نووسى حه‌شدى شه‌عبى"یان كردووه‌ته ناونیشانى سه‌ره‌كى.
رۆژنامه‌كه نموونه به هادى عامرى سه‌رۆكى هاوپه‌یمانى فه‌تح و رێكخراوى به‌در ده‌هێنێته‌وه، له‌گه‌ڵ لێدوانه‌كانى قه‌یس خزعه‌لى كه سه‌رۆكى میلیشیاكانى عه‌سائیبى ئه‌هلى حه‌قه.
له‌وانه هادى عامرى له بانگه‌شه‌ى هه‌ڵبژاردن ده‌ڵێ، "خوێنمان ده‌به‌خشێن له پێناو ئه‌وه‌ى حه‌شدى شه‌عبى هه‌ڵنه‌وه‌شێته‌وه". رۆژنامه‌ى شه‌رق ئاماژه‌ى بۆ ئه‌وه نه‌كردووه كه هادى عامرى دوورتر له‌وه رۆیشتووه و له یه‌كێك له بانگه‌شه‌كان ده‌ڵێ، "ئێمه پاره‌مان نییه ببه‌خشین و هیچ شتێك نابه‌خشین ته‌نیا خوێن نه‌بێت".
قه‌یس خه‌زعه‌لى یه‌كێكى تره له سه‌ركرده‌كانى شیعه ته‌واو گره‌وى هه‌ڵبژاردن به حه‌شدى شه‌عبى ده‌كات و ده‌ڵێ، "ئه‌م هه‌ڵبژاردنه هه‌ڵبژاردنى حه‌شده". جیا له‌وه‌یش قه‌یس خزعه‌لى ده‌ڵێ، "با پاساوى ده‌نگدان له‌سه‌ر بنه‌ماى پاراستنى حه‌شد بێت و ده‌نگ به‌وانه بدرێت كه پڕۆژه‌كه ده‌پارێزن".
حه‌شدى شه‌عبى له ساڵى 2014 به فه‌تواى عه‌لى سیستانى مه‌رجه‌عى باڵاى شیعه له عێراق بۆ به‌ره‌نگاربوونه‌وه‌ى رێكخراوى تیرۆریستى داعش دانراوه، دواتر دواى نه‌مانى ده‌سه‌ڵاتى داعش ئه‌و میلیشیایه به ئه‌نجامدانى پێشێلكاریى له عێراق تۆمه‌تبار ده‌كرێت و وڵاتانى رۆژئاوا به ده‌ستى ئێرانى ده‌زانن، بۆیه ماوه‌ى دوو ساڵ زیاتره داواى هه‌ڵوه‌شاندنه‌وه‌ى ده‌كرێت.
.jpg)
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment