هندستان: بەرنامەیەکى چالاکمان هەیە بۆ برەودان بە پەیوەندییەکانمان لەگەڵ هەرێمى کوردستان
نوچەنێت:
ئەمڕۆ دووشەممە رێکەوتى (25/تشرینى یەکەم/2021) سەرۆک نێچیرڤان بارزانى، سەرۆکى هەرێمى کوردستان پێشوازى لە براشانت بایس باڵیۆزى هندستان لە عیراق کرد.
سەرۆک نێچیرڤان بارزانى لە کۆبوونەوەکەیدا لەگەڵ براشانت بایس، "خواستى هەرێمى کوردستانى بۆ برەودان بە پەیوەندییەکان و بەتایبەتیش ڕەخساندنى دەرفەتى وەبەرهێنان و سەرمایەگوزاریى هندستانی دووپات کردەوە و سوپاسى ئەو دەرفەتانەى کرد کە تا ئێستا لەم بوارەدا لە کوردستان پێشکەشیان کردوون."
لەبەرامبەردا براشانت بایس ڕایگەیاند، "هندستان بە گرنگییەوە لە پەیوەندییەکان و دەرفەتەکانى وەبەرهێنان و سەرمایەگوزارى لە عیراق و هەرێمى کوردستان دەڕوانێت."
باڵیۆزى هندستان دەشڵێت، "لەگەڵ تیمى کونسولخانەیان لە هەولێر بەرنامەیەکى چالاکیان بۆ برەودان بە پەیوەندییەکان و بوارەکانى هاریکاریى هاوبەش هەیە و کارى لەسەر دەکەن."
سەرۆکایەتیى هەرێمى کوردستان لە ڕاگەیێندراوێکدا سەبارەت بە ناوەڕۆکى کۆبوونەوەکەى سەرۆکى هەرێمى کوردستان و باڵیۆزى هندستان دەشڵێت، "هەڵبژاردنەکانى عیراق و هەوڵەکان بۆ پێکهێنانى حکوومەتى داهاتووى فیدراڵى عیراق، بنیاتنانى سیستمى دامەزراوەیى بۆ پاراستنى دیموکراسى، هەروەها پێگەیشتنى سیاسى و بەشداریى دەنگدەر لە پرۆسەى دەنگداندا بۆ گۆڕانکاریى ئاشتیانە"، تاوتوێکران.
ڕاگەیێندراوەکەى سەرۆکایەتیى هەرێم روونیشیدەکاتەوە، هاوکات "کولتوورى پێکەوەژیان و لێبوردەیى لەنێوان پێکهاتەکاندا وێڕاى جیاوازیی ئایینى و نەتەوەیى لە هندستان و هەرێمى کوردستان، هەڵگرتنى کۆتوبەندى سەفەر بۆ هندستان، پەتاى ڤایرۆسى کۆرۆنا و لێکەوتەکانى لەگەڵ پرۆسەى ڤاکسین، گرنگیى گەشتى ڕاستەوخۆى ئاسمانیى نێوان هەردوولا و سەردانى هاووڵاتیانى هەرێمى کوردستان بۆ چارەسەرى پزیشکى لە هندستان"، تەوەرێکى ترى کۆبوونەکە بووە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment