ره‌وتى سه‌در : هیچ كاندیدێك بۆ سه‌رۆكایه‌تى حكومه‌ت ناسه‌پێنین عێراق ناوچەکە و جیهان

نوچه‌نێت

ره‌وتى سه‌در كه‌ له‌ لایه‌ن موقته‌دا سه‌دره‌وه‌ رێبه‌رایه‌تى ده‌كرێت، ئه‌مڕۆ دووپاتى ده‌كاته‌وه‌ خودى سه‌در چه‌ندان په‌یامى دڵنیاكردنه‌وه‌ى به‌ هاوپه‌یمانه‌كانى داوه‌ و ده‌شڵێ، "هیچ كاندیدێك بۆ سه‌رۆكایه‌تى حكومه‌ت ناسه‌پێنین".

ئه‌مڕۆ دووشه‌ممه‌ 25 ى تشرینى یه‌كه‌م "ئۆكتۆبه‌ر" ئیبراهیم جابرى نوێنه‌رى سه‌در له‌ شارى زیقار به‌ ماڵپه‌ڕى شه‌فه‌ق نیوزى راگه‌یاندووه‌، ره‌وتى سه‌در ره‌تى ده‌كاته‌وه‌ به‌ تاكڕه‌وى له‌ دۆسیه‌ى سه‌رۆكایه‌تى حكومه‌ت مامه‌ڵه‌ بكات. جابرى ده‌شڵێ، "سه‌در هه‌وڵ نادات له‌ بڕیارى سیاسى و ده‌سه‌ڵات تاكڕه‌وى بكات".

له‌ به‌شێكى ترى قسه‌كانى جابرى ئاشكراى ده‌كات، سه‌در چه‌ندان په‌یامى دڵنیاكه‌ره‌وه‌ى به‌ هاوبه‌شه‌كانى له‌ پرۆسه‌ى سیاسى داوه‌ بۆ ئه‌وه‌ى حكومه‌تێكى به‌هێز به‌ تێگه‌یشتن له‌گه‌ڵ لایه‌نه‌كانى تر پێكبهێنرێت و ده‌ڵێ، "هیچ كاندیدێك ناسه‌پێنین".

به‌گوێره‌ى یاسا سه‌رۆكایه‌تى حكومه‌تى داهاتووى عێراق بۆ ره‌وتى سه‌در ده‌بێت، چونكه‌ یه‌كه‌مى هه‌ڵبژاردنى پێشوه‌خته‌ى په‌رله‌مانى عێراقه‌ و 70 كورسى به‌ده‌ستهێناوه‌. سه‌رچاوه‌كان پێشتر ئاشكرایان كرد بوو هه‌ر یه‌كه‌ له‌ نه‌سار روبه‌یعى سه‌رۆكى ئه‌نجوومه‌نى سیاسى ره‌وتى سه‌در و جه‌عفه‌ر سه‌در باڵیۆزى عێراق له‌ به‌ریتانیا كه‌ ئامۆزاى موقته‌دا سه‌دره‌ كاندیدن بۆ سه‌رۆكایه‌تى حكومه‌ت.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین