نێچیرڤان بارزانى: ئامادەین بۆ چارەسەرکردنى کێشەکان لەگەڵ بەغدا لەسەر بنەماى دەستوور کوردستانی
نێچیرڤان بارزانى سەرۆکى هەرێمى کوردستان لەگەڵ هەریەک لە باڵیۆزانى فەڕەنسا و ئەڵمانیا کۆبوونەوە، هەردوولا کێشەکانى عێراقییان تاوتوێ کرد. سەرۆکى هەرێمى کوردستان ئامادەییى هەرێمى کوردستانى بۆ ڕێککەوتنى یەکجارەیى لەگەڵ حکوومەتى عێراق دەربڕى.

ئەمڕۆ ئێوارە نێچیرڤان بارزانى سەرۆکى هەرێمى کوردستان پێشوازى لە برۆنۆ ئۆبێرت باڵیۆزی فەرەنسا و ئۆلێ دیێل باڵیۆزی ئەڵمانیا لە عێراق کرد.

لە کۆبوونەوەیەکدا پەیوەندییەکانی هەرێمی کوردستان لەگەڵ ئەڵمانیا و فەرەنسا، دۆخی سیاسی و ئەمنیی عێراق، کێشەکانی هەولێر – بەغدا و گفتوگۆی چارەسەرکردنیان، بابەتی پشکی هەرێمی کوردستان لە بودجەی گشتیی عێراقدا بۆ ئەمساڵی ٢٠٢١، دۆخی ناوچەکانی ماددەی ١٤٠ تاتوێ کران.

هەروەها مەترسییەکانی سەرهەڵدانەوەی تیرۆر و کرەدەوەکانی داعش، ئەرک و بەرنامەی ناتۆ لە عێراق، بەرەنگاربوونەوەی ڤایرۆسی کۆرۆنا و لێکەوتەکانی، هەڵبژاردنەکانی داهاتووی عێراق و ڕۆڵی نەتەوە یەکگرتووەکان لەمبارەیەوە، گفتوگۆیان لەسەر کرا.

لە بارەى کێشەکانى نێوان هەرێم و بەغدا، سەرۆکى هەرێمى کوردستان ئامادەییی هەرێمی کوردستانی بۆ ڕێککەوتن و چارەسەرکردنی یەکجاریی تەواوی کێشەکان لەگەڵ حکوومەتی فیدراڵی عێراق لەسەر بنەمای دەستوور نیشان دا.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین