جه‌مال كۆچه‌ر: هیچ هۆكارێك بۆ دواكه‌وتنى 200 ملیاره‌كه‌ نییه‌ کوردستان- عێراق

سیهام میران – تایبەت بە نوچەنێت

جوتیار عادل گوته‌بێژى حكومه‌تى هه‌رێمى كوردستان رایگه‌یاند، هێشتا 200 ملیار دیناره‌كه‌ى به‌غدا نه‌گه‌یشتووه‌ته‌ هه‌رێمى كوردستان. جه‌مال كۆچه‌ر ئه‌ندامى لیژنه‌ى دارایى خولى پێشووى په‌رله‌مانى عێراقیش دووپاتى ده‌كاته‌وه‌، هیچ هۆكارێك بۆ دواكه‌وتنى پاره‌كه‌ نییه‌.

ئه‌مڕۆ سێشه‌ممه‌ دووى تشرینى دووه‌م "نۆڤێمبه‌ر" جوتیار عادل گوته‌بێژى حكومه‌تى هه‌رێمى كوردستان له‌ كۆنگره‌یه‌كى رۆژنامه‌وانى باسى “به‌ سیستى به‌ڕێوه‌چوونى دابەشکردنی مووچه‌ى فه‌رمانبه‌رانى كرد” و هۆكاره‌كه‌ بۆ كۆكردنه‌وه‌ى داهات گێڕایه‌وه‌ و له‌ كۆنگره‌كه‌ ئاشكرایشى كرد "هێشتا پاره‌كه‌ى به‌غدا نه‌گه‌یشتووه‌ته‌ هه‌رێمى كوردستان".

به‌گوێره‌ى رێككه‌وتنێك كه‌ له‌نێوان سه‌رۆكى حكومه‌تى هه‌رێمى كوردستان و سه‌رۆكى حكومه‌تى عێراق كراوه‌، به‌غدا مانگانه‌ 200 ملیار دینار وه‌ك "سولفه‌یه‌ك" بۆ هه‌رێمى كوردستان ده‌نێرێت. جه‌مال كۆچه‌ر ئه‌نجامى لیژنه‌ى دارایى خولى پێشووى په‌رله‌مان ئه‌مڕۆ له‌ لێدوانێكى بۆ نوچه‌نێت، دووپاتى كرده‌وه‌ هیچ هۆكارێك بۆ دواكه‌وتنى ئه‌و پاره‌یه‌ نییه‌ كه‌ له‌ به‌غداوه‌ ره‌وانه‌ى هه‌رێمى كوردستان ده‌كرێت.

جه‌مال كۆچه‌ر گوتى، "له‌و بڕوایه‌دام ده‌ینێرن و هیچ هۆكارێك بۆ دواكه‌وتنى نییه‌، چونكه‌ هیچ گۆڕانكارییه‌ك نه‌كراوه‌، نه‌ بودجه‌ى نوێ هه‌یه‌، نه‌ كۆتایى ساڵه‌ و نه‌ حكومت گۆڕاوه‌!".

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین