وەزارەتى پەروەردە: قوتابخانەیەک بە ناوى شەهید بارزان ئیسماعیل دەکەین کوردستانی

نوچەنێت:

وەزارەتى پەروەردەى حکومەتى هەرێمى کوردستان، دواى شەهید بوونى قوتابیەک لەگەڵ دوو براى ترى لە هێرشەکەى تیرۆیستانى داعش بۆ سەر گوندى خدر جیجە، بۆ ڕێزگرتن لە رۆحى ئەو قوتابیە و شەهیدان سبەى لەسەرجەم ناوەکاندەکانى خوێندن خولەک دەوەستن و قوتابخانەیەکیش بەناوى دەکەن.

ئەمڕۆ شەممە چوارى کانوونى یەکەمى (2021)، وەزارەتى پەروەردە لە ڕاگەیێندراوێکدا دەڵێت، "بۆ رێزگرتن لە رۆحی ئەو پێشمەرگە و هاوڵاتییانەی کە شەهید بوون لە سنووری گەرمیان و قەرەچوغ و شەهیدی قوتابی (بـارزان) سبەی یەکشەممە، پێش وانەی یەکەم لە سەرجەم ناوەندەکانی خوێندنی حکومی و ناحکومی خولەکێک رادەوەستین وەک رێزلێنان لەگیانی پاکی شەهیدانمان."

لە بەشێکى ترى ڕاگەیێندراوەکەى وەزارتى پەروەردە  دا هاتووە، "بەرێوەبەرایەتی گشتیی پەروەردەی هەولێر رادەسپێرین کە یەکێک لە قوتابخانەکانی سنووری پەروەردەی مەخمور بکەن بەناوی قوتابخانەی شەهید (بـارزان ئیسماعیل)."

دەقى ڕاگەیێندراوى وەزارەتى پەروەردە وەزارەتی پەروەردەوە:

هەموولایەک ئاگادارن کە لە چەند رۆژی رابردوو چەند ناوچەیەکی کوردستان ڕوبەرووی پەلاماری تیرۆریستان بووەوە، رۆحی شەهیدانمان ئاسوودە بێت، ئێمە وەکو وەزارەتی پەروەردە پرسە و سەرەخۆشی لە خانەوادەی سەربەرزی شەهیدان دەکەین. 

لە نێو شەهیدانی ئەمجارەی پەلاماری تیرۆریستان، قوتابییەک بەناوی (بـارزان ئیسماعیل) کە تەمەنی (دە) ساڵ بوو لە پۆلی چوارەمی بنەڕەتی لە (قوتابخانەی خدر جیجە) لەکاتی یارمەتیدانی براکانی بۆ تێکشاندنی دوژمنان و تیرۆریستان شەهید دەبێت، (شەهید بارزان)ـی قوتابی خۆی بووە قوتابخانەیەک بۆ فێربوون و سوود وەرگرتن لە وانەکانی بەرگریی و ئیرادە و خۆشەویستی نیشتیمان. 

بۆ رێزگرتن لە رۆحی ئەو پێشمەرگە و هاوڵاتییانەی کە شەهید بوون لە سنووری گەرمیان و قەرەچوغ و شەهیدی قوتابی (بـارزان) سبەی یەکشەممە رێکەوتی ٥ی12ی 2021، پێش وانەی یەکەم لە سەرجەم ناوەندەکانی خوێندنی حکومی و ناحکومی خولەکێک رادەوەستین وەک رێزلێنان لەگیانی پاکی شەهیدانمان. و بەرێوەبەرایەتی گشتیی پەروەردەی هەولێریش رادەسپێرین کە یەکێک لە قوتابخانەکانی سنووری پەروەردەی مەخمور بکەن بەناوی قوتابخانەی شەهید (بـارزان ئیسماعیل)

رۆحی شەهیدان شاد بێت و کوردستان پارێزراوبێت.

وەزارەتی پەروەردە

4ی12ی2021

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین