کورد بۆ هەڵبژادنەکان گڵۆپى سه‌وزى بۆ پارتەکانى دیکە هه‌ڵكرد تورکیە

نوچه‌ نێت

ئه‌مرۆ پارتى ده‌م، له‌ كۆبوونه‌وه‌ى حزبه‌كه‌ى هه‌ڵسه‌نگاندنيان بۆ كارى هاوبه‌ش له‌گه‌ڵ پارته‌كانى تر ئه‌نجامدا و رایانگەیاند، ده‌رگامان بۆ هاوكارى له‌گه‌ڵ حزبه‌كانى تر به‌رێگه‌ى دانوستاندن له‌ هه‌ڵبژاردنى ساڵى داهاتووى ناوخۆى توركيا کراوەیە.

يه‌كشه‌ممه‌(17/ كانوونى يه‌كه‌م/ 2023) ماڵپه‌رى (بى بى سى) بڵاويكرده‌وه‌، له‌دواى كۆبوونه‌وه‌ى حزبى پارتى ده‌م له‌ لێدوانێكدا رايانگه‌ياند، "هه‌موو كێشه‌يه‌ك له‌ڕێگه‌ى گفتوگۆوه‌ جاره‌سه‌ر ده‌كرێت، ده‌رگامان كراوه‌يه‌ بۆ دانووستاندن له‌گه‌ڵ حزبه‌كان بۆ هاوكاى له‌گه‌ڵ يه‌كترى له‌ هه‌ڵبژاردنى ناوخۆى توركيا، به‌م ‌رێگه‌يه‌وه‌ ده‌مانه‌وێت له‌سه‌ر بنه‌ماى سازانى ديموكراسى و ديموكراسى ناوخۆيى و سياسه‌تى ئازاد و مافى مرۆڤى گشتگير و سياسه‌تى رزگاريخوازى ژنان به‌ده‌ست بێنين." 

هه‌روه‌ها ئه‌م پارته‌ بڕياريدا هه‌موو ده‌سه‌ڵاتێك بدات به‌ ده‌سته‌ى كارگێرى حزبه‌كه‌ى بۆ به‌رێوه‌بردنى ئه‌نجامدانى پرۆسه‌ى هه‌ڵبژاردن هه‌روه‌ها بتوانن له‌گه‌ڵ لايه‌نه‌كانى تر گفتوگۆ له‌سه‌ر هاوكارى يه‌كترى بكه‌ن، له‌لايه‌كيتر له‌و شوێنانه‌ى كه‌ ده‌زانن كانديده‌كانيان يه‌كه‌م يان دووه‌م به‌ده‌ست ده‌هێنن ده‌يانه‌وێت كانديدى تايبه‌تى خۆيان دياريبكه‌ن.

ئه‌م برياره‌ى پارتى ده‌م زۆر گاريگه‌ر ده‌بێت به‌تايبه‌ت له‌شاره‌ گه‌وره‌كانى وه‌ك ئیسته‌نبۆڵ و مه‌رسين و ئه‌ده‌نه‌ چونكه‌ ده‌نگى كورد له‌م شارانه‌ يه‌كلاكه‌ره‌وه‌يه و ئه‌م شارانه‌ش له‌لايه‌ن ده‌سه‌ڵاتى جه‌هه‌په‌ به‌ڕێوه‌ ده‌بردرێت.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین