ئەنجوومەنى پیرانى ئەمەریكا پاڵپشتى فرۆشتنى فڕۆكە بە توركیا دەكات تورکیە

نوچەنێت

بێن كاردن، سەرۆكى لیژنەى پەیوەندییەكانى دەرەوە لە ئەنجوومەنى پیران، رایگەیاند، ئەنجوومەنى پیران رەزامەندى لەسەر پێدانى فڕۆكەى (ئێف 16) ئەمەریكا دەكات.

ئەمڕۆ شەممە (27/ كانوونى دووەم/2024) ماڵپەڕى (حوڕە) بڵاوى كردەوە، سەرۆكى لیژنەى پەیوەندییەكانى دەرەوە لە ئەنجوومەنى پیران ئاماژە بەوە دەكات، لەدواى رەزامەندى توركیا بۆ وەرگرتنى سوید لە ناتۆ، پاڵپشتى لە پێشنیارى فرۆشتنى فڕۆكەى (ئێف 16) بە توركیا دەكات. 

دوێنێ پێنجشەممە توركیا پڕۆتۆكۆڵى رەزامەندى پەرلەمانى وڵاتەكەى بۆ وەرگرتنى ستۆكهۆڵم لە ناتۆ لە رۆژنامەى فەرمى وڵاتەكەى بڵاوكردەوە، بەوەش توركیا لە ڕووى یاساسییەوە كۆتایى بەو دۆسیە هێنا.

لە دواى ئەو بڕیارەى توركیا هەریەك لە هاوپەیمانى ناتۆ و ئەمەریكا و سوید پێشوازییان لە بڕیارەكەى پەرلەمانى توركیا كرد و بە هەنگاوێكى گرنگ ناويان برد.

لەدواى ئەو بڕيارە توركيا چاوەڕوانە كۆنگرێس و ئەنجوومەنى پيرانى ئەمەريكا هەنگاو بۆ فرۆشتنى فڕۆكەى (ئێف 16) بنێنن، كە پێشتر چەند جارێك ئيدارەى ئەمەريكا جەختى لەسەر كردۆتەوە. 

لەدواى هێرشى رووسیا بۆ سەر ئۆكراینا، سوید و فینلەندا بە فەرمى داواى ئەندامبوونیان لە ناتۆ كرد، توركیا بەهۆى دڵدەدانى ئەندام و لایەنگرانى هێزە ئۆپۆزسیۆنەكان ڤیتۆى لە دژ بە كارهێنان.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین