پەرلەمانتارێکی هوداپار: هیوادارین بەکارهێنانى چەک کۆتایى بێت تورکیە

نوچە نێت

سەرکان رامانڵی، پەرلەمانتارى هوداپار دەڵێت، چل ساڵە چەک بەکاردەهێنرێت، کۆمەڵکوژی کراوە، بەڵام هیچمان بەدەست نەهێناوە. هیوادارین بەو پرۆسەیە؛ بەکارهێنانی چەک کۆتایی بێت و گەل مافی خۆی وەربگرێت و مافەکانی گەلەکەمان لە رێگەی سیاسەتەوە بپارێزرێن.

ئەمڕۆ سێشەممە (31/كانوونى يەکەم/2024) سەرکان رامانڵی، پەرلەمانتار و گوتەبێژی هوداپار لەبارەی دیداری شاندی دەم پارتی و عەبدوڵڵا ئۆجەلان بە رووداوى راگەیاند، پێویست ناکات شەڕ و پێکدادان بکەوێتە نێوان میللەتی تورکیاوە و خاک خوێناوی ببێت. لە پەرلەمان بە رازیکردنی گەل و بە رێگای یاسایی دەتوانین ئەو ماف و ئازادییانە بپارێزین و بەدەستیان بێنین."
ئەو پەرلەمانتارەی هوداپار ئاماژەی بەوەکرد، "خاکی کورد خوێناوی بووە، گوندەکانمان وێران بوون. لەبەر ئەم شەڕ و پێکدادانانە زۆرترین زیان بە گەلی کورد گەیشتووە".
رامانڵی جەختى لەسەر ئەوە کردەوە، کە دەمانەوێت ئەم شەڕ و پێکدادانانە بوەستن و خەباتی ئێمە و سیاسەتەکەمان بە رێگایەکی یاسایی بەردەوام بێت تاوەکو ئێمەش بگەینە ماف و ئازادییەکانمان.
بە بڕوای ئەو پەرلەمانتارە، پێیوایە کە دوای دامەزراندنی دەوڵەتی تورکیا، "بیرکردنەوەی جەهەپە؛ کورد و خەڵکی دینداری کردە دوژمنی خۆی. خەڵکی دینداریش خەباتی خۆیان کرد، سیاسەتی خۆیان بەڕێوەبرد، پارتەکانیان داخران و بەڕێوەبەرەکانیشیان دەستگیرکران، بەڵام لە سیاسەت نەکشانەوە و چەکیان هەڵنەگرت".

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین