حكومەتی سووریا و هەسەدە بۆ یەكخستنی هێزەكان دەست دەكەن بە گفتوگۆ عێراق ناوچەکە و جیهان

نوچە نێت

مەحموود حەیب، گوتەبێژی هێزەكانی باكووری دیموكراسی، كە سەر بەهێزەكانی سووریای دیموكراتن، رایگەیاند لەگەڵ حكومەتی نوێی سووریا رێككەوتووین لەسەر درووستكردنی هەشت لیژنە، كە گفتوگۆ لەسەر هەموو ئەو پرسانە دەكەن كە پێویستیان بە گفتوگۆیە، لە چوارچێوەیاندا یەخستنی (هەسەدە) لە چوارچێوەی دامەزراوەكانی سووریا.

ئەمرۆ پێنجشەممە (13/ئادار/2025) ماڵپەڕی (كەناڵی سووری) بڵاوی كردەوە، گوتەبێژی هێزی باكووری دیموكراتی رایگەیاندووە، لەسەر درووستكردنی هەشت لیژنە رێككەوتوون،ئەو لیژنانە لە پرسە حكومی و سەربازیی و ئەمنی و ئیدارییەكان دەكۆڵنەوە، لە كۆتاییدا بۆ لایەنەكان بەرزی دەكەنەوە، پێویستیشە لە سووریا شكستخواردوو و سەركەوتوو نەبێت.

ئەو بەرپرسە پێشیوایە ئەو رێككەوتنە چەند سوودێكی هەیە، لەوانە جەختكردنەوە لەسەر یەكپارچەیی خاكی سووریا و یەك هێزی سەربازیی و كە كاتێك هێزەكانی سووریای دیموكرات دەچنە چوارچێوەی وەزارەتی بەرگری سووریا.

دەربارەی هێزەكانی باكووری نیشتیمانی حەبیب جەخت لەسەر ئەوە دەكاتەوە، دەبنە بەشێك لە سوپای نوێی سووریا، كە یەك لەسەر سێی خاكی سووریا لەژێر دەستی ئەو هێزانە دایە، كە دەستگیراوانی داعش و كەمپەكانی كەسوكاری ئەندامانی داعش ئەو هێزانە سەرپەرشتی دەكەن.

گوتەبێژەكە دەشڵێت، ئەو ناوچەیە نزیكەی شەش ملیۆن كەسی تێدا دەژیت كەوتۆتە سەر سنووری عێراق و توركیا، ئەوەش پێویستی بە توانای سەربازیی و ئەمنی گەورە هەیە بۆ پاراستنی.

لە لایەكی دیكەوە كەناڵی جەزیرە بڵاوی كردەوە، چاوەڕوان دەكرێت بەر لە كۆتای مانگی رەمەزان دیلەكانی نێوان هێزەكانی سووریای دیموكرات و حكومەتی سووریا ئاڵوگۆڕی پێ بكرێت.

رۆژی (2025/3/10) مەزڵووم عەبدی فەرماندەی هێزەكانی سووریای دیموكرات و ئەحمەد شەرع، فەرماندەی هێزەكانی سووریای دیموكرات رێككەوتنێكیان واژۆكرد.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین