گوتەبێژی ئەکپارتی: هیچ کۆبوونەوەیەک لەنێوان هەسەدە و دەسەڵاتدارانی تورکیا ئەنجام نەدراوە
نوچه‌نێت
ئەمڕۆ پێنجشەممە (پێنجی حوزەیران/2025) ماڵپەڕی (بیرگون) بڵاویکردەوە، گوتەبێژی ئەکپارتی لەدوای کۆبوونەوەی دەستەی بەڕێوەبەری ناوەندی پارتەکەی لە لێدوانێکدا ڕەتیدەکاتەوە لەگەڵ هەسەدە کۆبووینەوە و گوتی، "بەهیچ شێوەیەک کۆبوونەوەی فەرمی لەنێوان دەسەڵاتدارانی تورکیا و هەسەدە ئەنجام نەدراوە، ئەوەی باسی لێوەدەکەن دوورە لە ڕاستی. ئەگەر هاتوو لە چوارچێوەی ئەو رێککەوتنەی لەگەڵ حکومەتی سووریایان واژۆکردووە و جێبەجێی بکەن ئەوکات دەتوانرێت کۆببینەوە."
چەلیک سەرنجی خستە سەر پشتیوانیەکانی وڵاتە زلهێزەکان بۆ هەسەدە و دەڵێت ، "ئەوان دەڵێن ئێمە دژی ڕێککەوتنی سایکس بیکۆین، بەهۆی ئەوەوە سووریا رووبەڕووی نائارامی بۆتەوە، ئەوان شەڕی بەوەکاڵەت دەکەن و بەڵام بەدوای بەرژەوەندی خۆیانن لە سووریا."
گوتەبێژی ئەکپارتی دەشڵێت، "ئێمە هەرگیز ڕێگە نادەین دەوڵەتی تیرۆر لە سنوورەکانمان دابمەزرێنن، تورکیا تۆمەتبار دەکەن بەوەی دژی دەستکەوتەکانی کوردن لە سووریایە، بەڵام بابەتەکە جیاوازە سەرۆکەکەمان پێشوتریش بە ئەسەدی ڕاگەیاندبوو، دەبێت هاوشێوەی پێکهاتەکانی دیکە ماف بەکوردەکانیش بدرێت."
وتەبێژی ئەکپارتی باسی لەوە کرد، "پرۆسەی ئێستا بریتییە لە چەکدانانی پەکەکە و هەڵوەشاندنەوەی ڕێکخراوەکە پێویستە هەموو گروپە درێژکراوەکانی لەگەڵیدا هەڵبوەشێتەوە. چونکە هەندێک هێزی دەرەکی پشتیوانی و بە پارەدارکردنی ئەو گروپانە دەکەن هەربۆیەش پێویستە بەسەرکەوتوویی پرۆسەی چەکدانان جێبەجێ بکراێت و بەوشێوەیەی کە تورکیا میکانیزمی بۆ دارشتووە و نامانەوێت لە چەند مانگێک تێپەرێت."
چەلیک لەبارەی کوبوونەوەی پارتەکەی لەگەڵ دەم پارتی ڕاشیگەیاند، "سەردانەکەیان بە باشی هەڵدەسەنگێنین، هەموو پارتێک هەڵسەنگاندنی خۆی هەیە. بەڵام گرینگترین شت ئەوەیە نابێت چەکدانانی پەکەکە زیاتر دوابخرێت، پێویستە پەکەکە سووریا جێبهێڵێت و گروپەکانی دیکەش بەشداری سوپای سووریا بکەن و پێمەش بە هەموو شێوەیەک پشتیوانی یەکپارچەیی سووریا دەکەین."
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment