ئیسرائیل: شەوی رابردوو بە زیاتر لە پەنجا فڕۆكە هێرشمان كردە سەر ئێران ئێران

نوچه‌نێت

گوتەبێژی سوپای ئیسرائیل رایگەیاند، لە كۆتایی شەوی رابردوو زیاتر لە (50) فڕۆكەی شەڕكەری سەر بە هێزی ئاسمانی ئیسرائیل زنجیرەیەك هێرشیان كردە سەر ئامانجە سەربازییەكانی ئێران لە دەوروبەری تاران.

ئەمرۆ چوارشەممە (18/ حوزەیران/2025) ماڵپەڕی (ئاڕتی) بڵاوی كردەوە، گوتەبێژی سوپای ئیسرائیل رایگەیاند، لە هێرشی شەوى رابردوو بە بەشداری زیاتر لە (50) فڕۆكە هێرشمان كردە سەر چەند ناوەندێكی درووستكردنی چەك و لێكدانی پارچەكانی مووشەكی دوورهاوێژ، كە ئێران بە بەردەوامی ئاراستەی وڵاتەكەمانی دەكرد.

گوتەبێژە سەربازییەكەی ئیسرائیل ئاماژە بەوەش دەكات، شوێنەكانی درووستكردنی سیستەمى دژە مووشەك و پێكەهاتەكانی بۆمبی دژە فڕۆكە بەر هێرشەكانی شەوی رابردوو كەوتوون.

لە لایەكی دیكەوە راگەیاندنەكانی ئیسرائیل بڵاویان كردەوە، بەرەبەیانی ئەمرۆ زانكۆی ئیمام حوسێن، كە سەر بە سوپای پاسدارانە بەر هێرشی راستەوخۆی هێرشەكانی سوپای ئیسرائیل كەوتووە.

سوپای ئیسرائیل راشیگەیاند، كۆمەڵگەی ئاسمانی ئێران لە خوجیر كە لە نزیك حیجر ئابادە بە یەكێك لە گرنگترین سەكۆی مووشەكییە بالستییەكان لە ئێران دادەنڕیت بەر ئەو هێرشانە كەوتووە.

دەربارەی زیانەكانیش تاوەكوو ئێستا دەسەڵاتدارانی ئێستا قەبارەی زیانە مرۆیی و مادییەكانیان بە فەرمی رانەگەیاندووە.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین