دەم پارتی داوای گۆرینی ناوی "تورکیایەکی بێ تیرۆر" دەكات
نوچە نێت
ئەمڕۆ دووشەممە (چواری ئاب/2025) ماڵپەڕی (بیرگون) بڵاویکردەوە، سبەی یەکەمیین کۆبوونەوەی دامەزراندنی کۆمسیۆنێک بۆ پرۆسەی چارەسەری ئاشتی لە پەرلەمانی تورکیا بە بەشداری (51) ئەندامی پارتەکانی تورکیا بەرێوەدەچێت.
تەوەری یەکەمی کۆبوونەوەی کۆمسیۆن بریتیە لە دیاریکردنی ناوێک بۆ پرۆسەکە. دەم پارتی نارەزایی خۆیان راگەیاند سەبارەت بە ناوی کۆمسیۆنەکە کە حکومەتی تورکیا بە “تورکیایەکی بێ تیرۆر ناوی” دەبات.
لەوبارەیەوە گولستان کلچ کۆچیغیت جێگری سەرۆکی گروپی پارتی یەکسانی و دیموکراسی (دەم پارتی) رایگەیاند، "ئێمە نامانەوێت پرۆسەکە بەم ناوە بەردەوام بێت، سبەی پێداچوونەوە بە ناوی پرۆسەکە دەکرێت و سەرۆکی پەرلەمانیش پرۆژەیەکی لەوبارەیەوە ئامادە کردووە و هیوادارم بە دڵی ئێمەش بێت."
جێگری سەرۆکی دەم پارتی ئاماژەی بەوەشکرد، "ئێمە وەک دەم پارتی دژی دەستەواژەی "پرۆسەی تورکیایەکی بێ تیرۆرین، ناکرێت پرۆسەکە پەیوەست بکرێت بە تیرۆر، پیویستە پرۆسەکە جەخت لە دیموکراسی و ئاشتی و چارەسەری پرسەکانی کورد بکاتەوە. دەبێت چەمکی دیموکراسی لە ناوی کۆمسیۆن جێگیر بکرێت."
لایەنەکانی تورکیا سەبارەت بە ناوی کۆمسیۆنی چارەسەری ئاشتی بۆچوونی جیاوازیان هەیە، ئەکپارتی بە پرۆسەی تورکیایەکی بێ تیرۆر ناوی دەبات. مەهەپە پێشنیازی کردووە ناوی کۆمسیۆن ببێتە "کۆمسیۆنی نیشتیمانی و هاوپشتی"، دەم پارتی رەخنە لە پێشنیاری لایەنەکان دەگرێت و دەڵێت دەبێت ناوی پرۆسەکە "کۆمسیۆنی ئاشتی و کۆمەڵگای دیموکراتی"بێت، جەهەپەش وەک گەورەترین پارتی ئۆپۆزسیۆنی تورکیا پێشنیازی کردووە پرۆسەکە بەناوی "کۆمسیۆنی ئاشتی کۆمەڵایەتی و دادپەروەری و ئاشتەوایی دیموکراتی"بێت.
جێگەی ئاماژە پێدانە، لەدوای چەکدانانی پەکەکە پرۆسەی چارەسەری ئاشتی لە تورکیا پێی ناوەتە قۆناغێکی نوێ. سبەی پەرلەمانی تورکیا بەمەبەستی بەردەوامی پرۆسەکە بەفەرمی کۆدەبێتەوە و کۆمسیۆنێک بۆ چارەسەری پرۆسەی ئاشتی و پرسی کورد دادەمەزرێندرێت.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment