Nuce Logo

نووسینی: جیمس جیفری، نێردەی پێشووی ئەمەریكا بۆ كاروباری سووریا

وەرگێڕانی: ئیسماعیل تەها

دیمەشق بە کردەیى هەنگاوەکانى بەرەو ئەو ئاراستەی یەكێتی نیشتیمانی خاكی سووریایە، بەڵام هاوکارى چڕى ئابوورى نێودەوڵەتى و نێوەندگیریى سیاسى دوو فاکتەرى یەکلاکەرەوەن، بە جۆرێک دەتوانێت ئەوەى دوایى سوود لە رەگەزە پەیوەندییدارەکان لە نمونەى حکومڕانى لە عێراق وەربگرێت.

رێککەوتنى ئاگربەستى ئەم دواییە لە غەزە قۆناغى کۆتایی دایە بۆ پڕۆسەى دووبارە داڕشتنەوەى ریشەیى دۆخى رۆژهەڵاتى ناوەڕاست، دواى شکستپێهێنانى گەورەى رێکخراوى تیرۆرستى داعش وەک هێزێکى سیاسى سەرەکى لە (2019)، ئەوەى مایەوە وەک هەڕەشەیەکى سەرەکى ئێران بوو، کە هاوکارى گرووپە کانى لە سووریا و یەمەن دەکرد، لە (2023) پاڵپشتى عەزەی دەکرد بە پڕۆگرامى ئەتۆمى و گرووپەكان و کڵاوەکانى مووشەکى بالستى.

لە ناوەراستى (2025) ئەو هەڕەشە هەرێمییە بە شێوەیەکى بەرچاو گەورەبوو، ئێستاش لاى کەمى زۆربەى گرووپەکانى نزیک لە ئێران شکستیان پێهێندراوە، تەنیا حوسییەکان نەبێت. ئەوەش بۆ جارى یەکەمە لەدواى جەنگى ئازادکردنى کوێت رۆژهەڵاتى ناوەڕاست خاڵی بێت لە هەر هەڕەشەیەکى راستەوخۆى نیشتیمانى یان ئایدۆلۆژیى، ئەو گۆڕانكارییە دەرگا لەبەردەم گۆڕانکارییەکى فراوان دەکاتەوە، نەک تەنیا لە سیاسەتى هەرێمى، بەڵکوو لە ژیانى سەدان ملیۆن کەسیش ئەو دەرگایە دەکاتەوە، هەروەک ترەمپ لە گوتارەکانى لە ریاز و لە قودس و شەرم شێخ روونى کردەوە.

بۆیە داهاتووى ئەو ناوچەیە هاوشێوەى ئەمەریکاى باشوورە لە سێ دەیەى رابردوو، کە تا ئاستێکى زۆر گەورە خاڵییە لە توندوتیژى نێوان وڵاتان و توندوتیژى ئایدۆلۆژى، لەگەڵ هاتنەدى زیادبوونى خۆشگوزەرانى گشتى، بەڵام لە چرکەساتەکانى هیواى پێشوو لەو ناوچەیە لەدواى جەنگى (1973) و جەنگى ئازادکردنى کوێت چەندین شەپۆلى توندوتیژى و توندڕەوى بەدواوە هات.

ململانێى ئیسرائیل فەڵەستین و دۆخى ناسەقامگیر لە سووریا دوو بوارن ئەگەرى هەڵگیرساندى شەپۆلى توندوتیژیان بەسەدردا زاڵە، وەک دیارە هێواربوونەوەى رێژەیى سەرەتا بەهۆى وەستاندنى جەنگ لە غەزە، سووریا وەک بەربەست لەبەردەم سەقامگیرى ناوچەیى لە دوورمەودا گرنگتر دەردەکەوێت.

بۆیە چاودێرانى نێودەوڵەتى لەوانەش بەرپرسانى باڵاى ئەمەریکا جەخت لەسەر پارێزگارى يەکپارچەیى سووریا دەكەنەوە، بەو پێیەى مەرجێى پێشوەختەى سەقامگیرى و دووبارە بنیادنانەوەى درێژمەودایە، بەڵام خودى ئەو چاودێرانە ئاماژە بۆ گرنگى پارێزگارى مەفەکانى تاک و پارێزگارى لە داب و نەریتى کەمینەکان دەکەن، ئەوە جگە لە قبووڵکردنى پرەنسیپى حکومى خۆجێیى و ئاسایشى خۆجێى لە هەندێک ناوچە بە شێوەیەکى سنووردار.

لەگەڵ ئەوەشدا رێککەوتن لەنێوان ئەو داواکارییانە گرنگ و ئاسان نییە، بەڵام دەکرێت لە باکوورى رۆژهەڵاتى کوردستان دەستى پێبکرێت کە لەژێر دەسەڵاتى کورد دایە، بە جۆرێک رێککەوتنى واژۆکراوى مانگى ئادار بووە هۆى چەند گەڕێكی دانوستادان، بەڵام بەرەوپێشچوونێکى نەبووە شایەنى باسکردن بێت، دەبوو کورد بە هەنگاوى سینبولى دەست بەو پڕۆسەیە بکات، كە خاڵی سەرەتا لە داننان بە سەروەرى دیمەشق بەسەر ناوچەکەیان دەستی پێدەكرد، لەگەڵ بەردەوامى گفتوگۆ لەسەر پرسە ئاڵۆزەکانى وەک دەسەڵاتى خۆجێیى و تەواوکارى دەزگا ئەمنییەکان.

دەکرێت دەستوورى عێراق و پەیڕەوى دەسەڵات لە (2005) وەک نموونەیەک بۆ هەنگاونان رەچاو بکرێت، مەبەست لەوە دۆخى تایبەت بە هەرێمى کوردستان نییە، ئەو نموونەیە جێبەجێکردنى بۆ سووریا ناگونجێت، بەڵکوو مەبەست سیستەمێکى فراوانترە دەسەڵاتەکان لەنێوان حکومەتە خۆجێیەکان و ناوەندى لە هەموو عێراق دابەش بکرێت، لەگەڵ رێگەدان بە دەوڵەت بەرانبەر هێزە ئەمنییەکانى بەشێوەیەک لە سەربەخۆیى کاربکات لەگەڵ مانەوەى پەیوەست بە حکومەت بە شێوەیەکى ئاسایی.

مێژووێک لە شڵەژاوى

بێگومان سووریا خاوەنى مێژوویکى درێژیى ئاڵۆزیى ناوخۆیى و هەرێمیە، لە دژى سێ لە دراوسێکانى جەنگاوە، کە ئیسرائیل و ئوردن و لبنانە، ماوەیەکى زۆریش میواندارى عەبدوڵڵا ئۆجەلان، سەرۆکى پارتى کرێکارانى کوردستانى کردووە، لە نێوان ساڵى (2011 و 2024) سووریا بوو بە لانکەى رێکخراوى تیرۆرستى داعش، کە کۆپى دووەمى رێکخراوى قاعیدە بوو، ئەوەش بووە کۆڵەگەیەکى سەرەکى بۆ تۆڕەکانى گرووپە ناوچەییەکانى سەر بە ئێران بە ناوى هیلالى شیعییەوە بوو، ئەو مێژوووە لە پاڵ ژمارەیەکى زۆرى لە دانیشتوان و پێگەى کلاسیکى لە هەردوو جیهانى عەرەبى و ئیسلامیى و پێگەى جوگرافى لە دڵى وڵاتى شام، سەرکەوتنى یەکخستنى شام و لەگەلەکەیەتى لە سیستەمێکى نوێى هەرێمى و جێگیر، یاخود شکستەکەى کارێکى زۆر گرنگە بۆ داهاتووى هەموو رۆژهەڵاتى ناوەڕاست.

سووریا لە سەردەمى ئەحمەد شەرع، سەرۆکى نوێ بەرەوپێشچوونى گەورەى بەخۆییەوە دیووە، بەتایەت ئەگەر لە جەنگى دڕاندانەى ناوخۆى بڕوانین، کە ماوەى چواردە ساڵ بەردەوام بوو، کە بووە هۆى ئاوارەبوونى نیوەى دانیشتوان و کوژرانى زیاتر لە (500) هەزار کەس و وێرانبوونى زۆرینەى شارەکانى سووریا و بەردەوامى سزا ئابوورییە توندەکان. لەگەڵ ئەوەشدا لەوکاتەوەى بەشار ئەسەد کە ساڵێک پێش ئێستا رووخاوە توانیوویەتى پارێزگاریى لە یەکگرتوویى بکات، بە فەزڵى سەرکردایەتى شەرع و پاڵپشتى کۆمەڵگەى نێودەوڵەتى، کە تا ئێستا زۆرى حکومەتى لەدواى حکومەتى نوێ لە دیمەشق یەکى گرتۆتەوە. ئیسرائیل فاکتەرێکى یەکلاکەرەوەیە لە رووداوەکان، بەڵام دانوستاندنى لەگەڵ حکومەتى شەرع و راگرتنى هێرشە سەربازییەکان بە روونى ئاماژەن بۆ ئەوەى کە سەرکردە ئیسرائیلییەکان بە فشارى واشنتن ئامادەى پێدانى دەرفەتى نوێن بە سووریا، ئەو یەکگرتووییە نێودەوڵەتییە خاڵى گۆڕانکاریی یەکلاکەرەوەیە، نەبوونى هەڵوێستێکى یەکگرتوو لە پێشوو لەنێوان تورکیا و ئیسرائیل و ئەمەریکا و وڵاتانى عەرەبى و ئەوروپى و نەتەوەیەکگرتووەکان بەربەست بوو بۆ گەیشتن بە نزیکبوونەوەیەکى هاوبەش لە کاتى جەنگى ناوخۆیى، کە بەشدارى لە درێژبوونەوەى جەنگەکە هەبوو.

ئاڵنگەرییە سەرەکییەکان

ئاڵنگەرى راستەوخۆ کە رووبەڕووى سووریا دەبێتەوە لە بەدیهێنانى یەکێتى ناوخۆیى بە تێڕوانین بە بوونى ناوچەى چەکدارى جوداخواز کە لەژێر دەسەڵاتى هێزەکانى سووریاى دیموکراتە بە سەرکردایەتى کورد و ئیدارى مەدەنى سەربەخۆى لە باکوور و رۆژهەڵاتى سووریا لە باکوورى رۆژهەڵات، لەگەڵ ناوچەى درووزەکان لە سنوورەکانى ئیسرائیل و وەرگرتنى پاڵپشتى لە باشوورى رۆژهەڵات، هەروەک ناوچە عەرەببیە عەلەوییەکان لە کەناراوەکان دەرکەوتنى ژمارەیەک جووڵانەوەى چەکداریى و چالاکى کۆمەڵگەى مەدەنى، لە مانگى ئادار ئەحمەد شەرع و مەزڵووم عەبدى، فەرماندەى هێزەکانى سووریاى دیموکرات رێککەوتنێکیان لەسەر یەکخستنى سەربازیى و سیاسى و ئابوورى لەگەڵ باکوورى رۆژهەڵاتى سووریا لەگەڵ حکومەتى دیمەشق واژۆ کرد.

هەڵگیرسانى جەنگ لەنێوان لایەنە جیاوازەکان لە سووریا ــ حکومەتى ناوەندى و میلشیا و عەلەوییەکان لە مانگى ئادار و حکومەت میلیشیا بەدەوییەکان دژ بە دروز لە مانگى حوزەیران گورزێکى  کوشندە بوول ە هەوڵەکانى یەکخستنى سووریا و دەرخستنى وێنەیەکى سەقامگیر بۆ سووریا. ئەو ئاڵۆزیانە بووە دواکەوتنى جێبەجێکردنى رێککەوتنى دیمەشق لەگەڵ هەسەدە، کە لە مانگى ئادار واژۆ کرابوو، کە ئەو رووداوانە بووە هۆى رەختەى توندى نێودەوڵەتى، بەڵام دیمەشق زۆر بە نەرمى مامەڵەى لەگەڵ ئەو لێکەوتانە کرد، تواناى کۆنتڕۆڵکردنى ئاڵۆزییەکانى هەبوو. 

لەوە گرنگتر دیمەشق بە پێچەوانەى بەشار ئەسەد لە (2011) پەناى نەبردە بەر کردەى سەربازیى، بەڵکوو پاشەکشەى هەڵبژارد و لەگەڵ گرووپە زیانلێکەوتووەکان دەستى بە گفتوگۆکرد، لەوانەش درووزەکان کە ئیسرائیل پاڵپشتى دەکردن، کە ئۆپراسیۆنى سەربازیى لەناو سووریا دژ بە پاشماوەکانى ئێران و چەکە قوورسەکانى بەشار ئەسەد ئەنجام دەدات و پاڵپشتى درووزەکانى دەکرد، هەروەها حکومەتى سووریا دەستى بە لێکۆڵینەوە لە ئاڵۆزیى و توندوتیژییەکان کرد، راپۆڕتى فەرمى بڵاوکردەوە و ژمارەیەک گومانلێکراوى لێ دەستگیرکردن.

سەرەڕاى ئەوەى زۆرێک تاوەکوو ئێستا ئەو هەنگاوانە وەک پێویست سەیر ناکەن، ئەوەش رەنگدانەوەى ئاراستەیەکى جیاوازە کە لە پێشوودا لە سووریا و دراوسێکانى لبنان و عێراق لە ململانێ ناوخۆییە جیاوازەکان لەو سەروبەندەدا حکومەتى نوێ هەڵبژاردنى پەرلەمانى ئەنجام دا، سەرەڕاى هەبوونى کەم و کوڕى، بەڵام گفتوگۆکان لەگەڵ هەسەدە بەردەوام بوو، کە بەم دواییە هەنگاوى باش لە بەرەوپێشچوونى هێزە سەربازییەکان هەنگى پرسى دیکەى رەمزى هەبوو.

کێشەى دووەم کە رووبەڕووى سووریا دەبێتەوە، لە داڕوخانى ئابوورى دایە، کەرتەکانى لە پیشەسازى و دراو تا دەگات بە كەرتی سووتەمەنى و کارەبا تووشى قەیرانى گەورە بوونەتەوە، بۆیە سووریا ناتوانێت شوێنەوارى ئابوورى کارەساتى جەنگى ناوخۆیى بەبێ پاڵپشتى دەرەکى تێپەڕێنێت، ئەوە جگە لە هاوکارییە مرۆییە بەردەوامەکان، سووریا پێویستى بە پاڵپشتى فراوانى نێودەوڵەتى هەیە بۆ دووبارە ئاوەدان کردنەوە و وەبەرهێنانى نوێ و لادانى ئەو سزایانەى ئەمەریکا و نێودەوڵەتى کە هێشتا ماون.

ئەو دوو ئاڵنگەرییە پەیوەستن، كەمینەكان و ئابووری پەیوەندی بەتینیان هەیە، دواكەوتنی پاڵپشتی ئابووری نێودەوڵەتی تەنانەت سووكردنی سزاكان، لە سووری دابەشبووی ناوخۆیی دەركەوتووە و لەسەر لێواری جەنگی ناوخۆییە. لە بەرانبەردا سووریا بەرەوپێشچوونی لە ئابووری بەخۆییەوە بینیووە و پارێزگاریشی لە متمانەی كۆمەڵگەی نێودەوڵەتی كردووە، كە دەبێتە هاوبەشێكی سەرنجراكێشتر بۆ كەمینەكان كە كاتێك خواستیان لە یەكخستن بێت.

بەهێزكردنی پاڵپشتی حكومی و كۆمەڵگەبۆ ئازادییە بنەڕەتییەكان تاك، وەك سەربەخۆیی دادگا و ئازای رادەربڕین و راگەیاندن و ئازادی ئاینی و زمان و بەڕێوەچوونی هەڵبژاردنی ئازاد، دەبێتە بەهێزكردنی متمانە لەگەڵ كەمینەكان و بەهێزكردنی پەیوەندییەكانی سووریا بە كۆمەڵگەی نێودەوڵەتی و هاندانی گەشەی ئابووری، بەتایبەت لە رێگەی كەرتی تایبەت كە دەبێتە رەگەزێكی یەكلاكەرەوە لە بووژانەوەی سووریا. 

نەخشە رێگەی یەكخستن

دەكرێت لەو رێگەیە دوو هەنگاوی هاوسەنگ بۆ پێشوە بندرێت، یەكەم بەردەوامی پاڵپشتی حكومی بۆ ئازادییەكان، ئەوەش لە پێهێنانی پەرلەمان و مامەڵەی پەرلەمانی نوێی كاتی دەست پێدەكات، لەبەرانبەردا كەمینەكان هەنگاوی كردەیی بۆ داننان بە سەروەری حكومەتی ناوەندی بنێن. لایەنی گرنگ لەو ئاراستەیە هێزەكانی سووریای دیموكراتە، سەرەڕای ئەوەی لە ناوچەكانی درووز پێشنیاری هاوشێوە هەیە، بەڵام بچووكی قەبارە و پاڵپشتی ئیسرائیل ئاماژەن بۆ ئەگەری دواخستنیان بۆ مامەڵەكردن لەگەڵی بۆ قۆناغی داهاتوو. بەڵام باكووری رۆژهەڵات بەشێكی فراوانە لە سووریا، كە ملیۆنان كەسی تێدا دەژیت و خاوەنی ئابوورییەكی گەورەیە.

جگە لەو رێككەوتنەی شەرع و عەبدی لە مانگی ئادار كردیان، كە لە كۆتایی ئەم ساڵ وادەكەی كۆتایی دێت، سەرەڕای قوورسی پێشبینیكردنی سەركەوتنی تەواوی ئەو رێككەوتنە بەو ئاڵۆزییە لەو چوارچێوە زەمەنییە دیاریكراوە، پێویستە هەنگاوی سەرەتایی بۆ دڵنیایی دیمەشق بدرێت و دەستكەوتی زیاتر لە ئارامگری توركی بەدەست بهێنن، لەبەر گرنگی زۆری ئەنقەرە بە دیدی لقێك لە لقەكانی پەكەكە، كە هەنگاو هەنگاو لە وڵاتێكی نەتەوەیی تێكەڵ دەبێت، كە پەیوەندی دۆستانەی لەگەڵ توركیا هەیە.

ئەو هەنگاوە سەرەتاییانەی هەسەدە بەگوێرەی ئەو راپۆرتەی لە پەیمانگەی واشنتن پێشتیام كرد، كە گواستنەوەەی دەسەڵاتی ئیداری و ئەمنییە بۆ سەر پارێزگای دێرزوور كە زۆرینە عەرەبە بۆ ژێر دەسەڵاتی حكومەتی دیمەشق، ئەوە جگەوەش گواستنەوەی رێڕەوە سنوورییەكان لە باكووری رۆژهەڵات لەگەڵ توركیا و عێراق لە قۆناغەكانی داهاتوو بۆ سەر دیمەشق. لە هەمان كاتدا، دەتواندرێت بارزگانی نافەرمی نەوت لە نێوان باكووری رۆژهەڵات و دیمەشق، هەسەدە دەتوانێت پابەندی نووسراو بداتە حكومەتی سووریا كە بەبێ رەزامەندی و چاودێری حكومەتی ناوەندی هایدرۆكاربۆن رەوانە ناكرێت. جگە لەوەش پێویستە هەسەدە و دیمەشق بەدواداچوون بۆ پێشنیارەكانی فەرماندەی ناوەكانی هێزەكانی ئەمەریكا بۆ بەهێزكردنی هەماهەنگی نێوان هەسەدە و سوپای سووریا لە بواری ئاڵوگۆڕی زانیاری هەواڵگری و چالاكییەكان، تا دەگات بە مەشقی هاوبەش دژ بە رێكخراوی تیرۆرستی داعش.

عێراق وەك نموونە بۆ چارەسەری كۆتایی ئەم ساڵ، پێویستە لەسەر دیمەشق و ناوچەی باكووری رۆژهەڵات هەنگاوی كردەیی لە پرسە جەوهەرییەكان بێنێت، واتا حكومی خۆجێی، تەواوكاری سەربازیی، بەرپرسیارێتی پارێزگاكان لەبەرانبەر دەسەڵاتی حكومەتی ناوەندی، نموونە لەو چوارچێوەیە بیرۆكەی جەوهەرییە كە لە دەستووری عێراق بۆ (2005) و جێبەجێكردنی وەرگیرێت.

عێراق باشترین نموونەی نوێیە بۆ كودەتا بەسەر سیستەمی دیكتاتۆری بەعس، كە بە هۆی پاڵپشتی راپەڕینی جەماوەری و پاڵپشتی دیموكراسی بوو، لێرە ئەوە پێشنیار ناكرێت كە پشت بە بەشی دەستووری پەیوەست بە فیدراڵییەت ببەسترێت، وەك دیارە سیستەمی فیدراڵی لە سووریا قابیلی جێبەجێكردن نییە، جیاوازی بەهێز لەنێوان دەسەڵاتەكان و دیاریكردنی مافەكان هەیە كە بە تەواوی لەگەڵ نموونەی حكومەتی یەكگرتووی سووریا یەكدەگرێتەوە، هەروەك پێویستە ئەو لێكتێگەیشتنەی لەگەڵ كورد لە باكووری رۆژهەڵاتی سووریا هەیە كە شایەنییە جێبەجێكردنە نەك تەنیا لەوێ، بەڵكوو لەسەر هەموو پێكهاتەكانی دیكەی نەتەوەیی و ئاینی لە سووریا جێبەجێ دەبێت، كە لە درووزەكان و عەلەوییەكان دەست پێدەكات.

مافەكانی تاك: دەستووری عێراق بە جەختكردنەوە لەسەر مافی كەمینەكان لە ماددەی چوار دەست پێدەكات، كە تێیدا هاتووە، هەردوو زمانی كوردی و عەرەبی زمانی فەرمی عێراق، بەشی دووەم لە دەستوور، یەكەم و دووەم، ئازادییە بنەڕەتییەكانی دیاری كردووە، لەوتنە مافەكانی تاك و جیاكردنەوەی دەسەڵاتەكان و سەربەخۆیی دادگا.

دەسەڵاتی پارێزگاكان: ماددەی 122 ی دەستوور لەسەر دەسەڵات و ئیتیمازی پارێزگاكان كە بەگوێرەی سیستەمی فیدراڵی دیاری نەكراوە، كە تێیدا هاتووە: پارێزگاكانی عێراق لە ناوچەیەك دەسەڵاتی ئیداری و دارایی فراوانیان هەیە كە دەتوانن بەگوێرەی پرەنسیپی بەڕێوەبەردنی لامەركەزی خۆیان بەڕێوەببەن، ئەوەش بەگوێرەی ئەو یاسایە رێك دەخڕین، ملكەچی ئەنجوومەنی پارێزگاكان نابن، بۆ كۆنتڕۆڵ یاخود سەرپەرشتی هیچ وەزارەتێك، یاخود دامەزراوەكانی دەرەوەی وەزارەتەكان، خاوەنی دارایی سەربەخۆن.

گرنگتر لێرە، ماف و حكومی خۆجێی لە عێراق لەسەر ئاستی تاك و جوگرافیای سیاسی جێبەجێ دەبێت، واتا پارێزگاكان، نەك گرووپە ئاینی یاخود نەتەوەییەكان كە پێكهاتەی فەرمی دەوڵەتن، وەك دۆخی لبنان، ئەو جیاوازییە زۆر گرنگە بۆ بەدیهێنانی دەسەڵاتی كارا و سەقامگیری گشتی.

هێزە سەربازییەكان.

هێزە سەربازییەكان: لە دەستووری عێراقی هاتووە، سەرجەم هێزە چەكدارەكان سەر بە حكومەتی ناوەندین، بەڵام ئەوە لەسەر گرووپە شیعە جیاوازەكان جێبەجێ نەبوو، هێزەكانی سەحوەی سوننی، كە خاوەنی زۆرینە عەرەبوون لەدوای (2007) و هێزەكانی پێشمەرگە لە (2006). شایەنی باسە یەخستنی هێزەكانی پێشمەرگە بەتایبەت ئەو ئەفسارەی ئەزموونیان لە سوپای پێشووی عێراق هەبوو، بە شێوەیەكی تاك لە سوپای نیشتیمانی بوو، هەروەك هەندێك لە پێشمەرگە بە تەواویی خرانە ریزەكانی سوپای عێراق، ئەگەرچی لە هەرێمی كوردستانیش هێزی پێشمەرگە مایەوە.

لە بەرانبەردا یەكەكانی دیكەی پێشمەرگە لەژێر دەسەڵاتی حكومەتی هەێمن، بەڵام بە كردەیی لەژێر هەژموونی هەردوو پارتی سەرەكین، حكومەتە خۆجێیەكان دەسەڵاتی گەورەی پۆلیسی خۆجییان هەیە، خەڵكی پارێزگاكان دەكەن بە پۆلیس، ئەگەری بەهێز ئەوەیە ئەو جۆرە نموونە لە رووی لۆژیكییەوە لەسەر هێزەكانی هەسەدە جێبەجێ بكرێت.

پێویستە كۆمەڵگەی نێودەوڵەتی بە سەركردایەتی ئەمەریكا و وڵاتانی عەرەبی هانی دیمەشق و دەسەڵاتی كوردی و ئاراستەكردنی بەرەو دەستپێكردنی ئەو پڕۆسەیە بدەن، كە هەنگاوێكی زیندووە نەك تەنیا بۆ سووریا، بەڵكوو بۆ هەموو ناوچەكە.

سەرچاوە: پەیمانگەی واشنتن