دادگای ئیستەنبۆڵ تانەیەكی جەهەپە رەت دەكاتەوە تورکیە
دوای ئەوەی پارتی گەلی كۆماری تانەی لە بڕیاری دادگای ئیستەبۆڵ دا داوای هەڵوەشاندنەوەی بڕیاری رەتكردنەوەی ئەنجامەكانی كۆنگرەكەی حزبەكەی كرد، دادگا تانەكەی جەهەپەی رەت كردەوە.

رۆژی چوارشەممە (2025/11/5) ماڵپەڕی (زەمانی توركی) بڵاوی كردەوە، بازنەی چل و پێنج لە دادگای ئاسایشی گشتی لە ئیستەنبۆڵ بڕیاری سڕكردنی لقی پارتی گەلی كۆماری شارەكەی رەتكردەوە، گۆرسال تەكین بە كاتی بە سەرۆكی لیژنەی جەهەپە لە ئیستەنبۆڵ لە شوێنی خۆی مایەوە.

دوای ئەو بڕیارە پارتی گەلی كۆماری تانەیەكی پێشكەشی دادگای ئەو شارە كردووە، بەڵام دادگا تانەكەی رەتكردەوە، بڕیاری بەردەوامی لیژنەی قەیومی دا، بەگوتەی چاودێرانی سیاسی توركیا ئەو بڕیارەی دادگای توركیا درێژكراوەی بڕیارەكانی پێشووە، دژ بە پارتی گەلی كۆماری.

لە مانگی تشرینی یەكەمی 2023 پارتی گەلی كۆماری لە كۆنگرەی خۆی ئۆزگور شالیكی بە سەرۆكی لقی حزبەكەی لە ئیستەبۆڵ هەڵبژارد، بەڵام لە چوارچێوەی داوایەكی دادگای تایبەت ئەنجامەكانی ئەو كۆنگرەیە رەت كرایەوە، لە مانگی ئەیلوولی ئەمساڵ شالیك دوورخرایەوە و تەكین كرایە سەرۆكی لقی ئەو حزبە، لەدوای دوو رۆژ لەو بریارەی دادگا پارتی گەلی كۆماری بڕیاری دا گۆرسال تەكین لە ریزەكانی خۆی دووربخاتەوە.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین