دەم پارتی: لە (27)ـی شوباتدا ئۆجەلان پەیامێکی نوێ بڵاودەکاتەوە
نوچەنێت
ئەمڕۆ پێنجشەممە (2026/2/26) ماڵپەڕی (جمهوریەت) بڵاوی کردەوە، پرۆسەی ئاشتی نوێ لە تورکیا بە دەستپێشخەری دەوڵەت باخچەلی سەرۆکی گشتی مەهەپە و بانگەوازی ئۆجەلان لە (27)ـی شوباتی (2025) دەستیپێکرد، دەم پارتی رایگەیاندووە، ئۆجەلان سبەی لە ساڵیادی بانگەوازی ئاشتی و کۆمەڵگەی دیموکراسی پەیامێکی نوێ بڵاودەکاتەوە.
هاوکات بانگەوازی ئۆجەلان بۆ رێكخراوەکەی لە (27)ـی شوباتی (2025)، لەلایەن هەریەک لە پەروین بوڵدان و سری سووریا ئۆندەر و ئەحمەد تورک بە ئامادەبوونی هاوسەرۆکانی دەم پارتی لە ئەنقەرە بە ڕایگشتی راگەیێندرا و تیایدا ئۆجەلان لە بانگەوازەکەیدا داوایکرد پەکەکە و درێژکراوەکانی رێکخراوەکە پابەندی بانگەوازەکەی بن بۆ چەکدانان و هەڵوەشاندنەوەیان.
بەگوێرەی زانیارییەکانی دەم پارتی سبەی لەلایەن ئەم پارتەوە وەکو پشتیوانییەک بۆ پرۆسەکە کە وەک دووەم ساڵە بەردەوامە، لە رێورەسمێکدا لەگەڵ خوێندنەوەی پەیامە نوێکەی ئۆجەلان چەند لایەنێکی سیاسی و ڕۆشەنبیران و نوسەر و ڕۆژنامەنووسان ئامادە دەبن.
جێگەی باسە، لەگەڵ دەستپێکردنی پرۆسەکە حکومەتی تورکیا دوای چەکدانانی پەکەکە کۆمسیۆنێکی دامەزراند بە بەشداری لایەنە سیاسیەکانی تورکیا بۆ بەردەوامیدان بە پرۆسەکە و لە ئێستادا ڕاپۆرتی کۆتایی کۆمسیۆن ئامادەکراوە و بڕیارە دوای جەژن لەلایەن سەرۆکایەتیی پەرلەمانەوە چەند ڕێسایەکی تایبەت لەچوارچێوەی پرۆسەکە دەربکرێت.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment