گرووپی ئۆزگور ئۆزەل بڕیاری دەستلەکارکێشانەوەیان لە ئەنجوومەنی حزبەکەیان لە پەرلەمان دا
نوچەنێت
ڕۆژی پێنجشەممە (2026/6/11) ماڵپەڕی (habar7) بڵاوی کردەوە، تادێت گرژییەکانی ناوخۆی حیزبی جەهەپە لەنێوان کەمال کلیچدارئۆغڵو و ئۆزگور ئۆزێل زیاتر دەبێت، دوای بڕیاری دادگای باڵای ئەنقەرە و لەکارلادانی ئۆزەل و گەرانەوەی کلیچدارئۆغڵو وەک سەرۆکی گشتی جەهەپە، ئەمڕۆ کە بڕیار بوو کلیچدارئۆغڵو سەرپەرشتی کۆبوونەوەی ئەنجوومەنی ئەو حیزبە بکات لە پەرلەمانی تورکیا ئەندامانی ئەنجوومەن کە پێهاتوون لە (57) ئەندام، (27) کەس لەو ئەندامانە کە پشتیوانی لە ئۆزگور ئۆزەل دەکەن دەستیان لە کارکێشایەوە.
کۆبوونەوەی ئەنجوونەی حیزبەکان لە پەرلەمان پێویستە لە (40) ئەندام کەمتر نەبێت، دوای ئەو بڕیارە بەمێشوەیە کلیچدارئۆغڵو نەیتوانی سەرپەرشتی کۆبوونەوەکە بکات. هاوکات لەسەر داوای ئەندام پەرلەمانانی جەهەپە دوای لەکارلادانی ئۆزەل و لەلایەن دادگای باڵای تورکیا کە کۆبوونەوەی کۆنگرەی بە پووچەک و نایاسایی هەژمار کرد، دەبێت لەماوەی (45) ڕۆژی دیکە دووبارە کۆنگرەی نائاسایی ببەسترێت و هەڵبژاردنی نوێ بۆ سەرۆکی حیزبەکە تیایدا ئەنجام بدرێت.
دوای ئەو پێشهاتە نوێیە، ئەکپارتی بەهەموو شێوەیەک هەوڵدەدات ئۆزگور ئۆزەل دووربخاتەوە لە جەهەپە، لەبەرامبەردا ئۆزەل و ئەو ئەندام پەرلەمانانەی پشتیوانی ئەو دەکەن دەڵێن ئەگەر لە هەوڵەکانمان دژی کلیچدارئۆغڵو سەرکەوتوو نەبووین پارتێکی نوێ بە پشتیوانی دەنگدەرانمان دادەمەزرێنین.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment