له‌ كه‌ركووك 10 تیرۆریستى داعش گیران عێراق ناوچەکە و جیهان

نوچه‌نێت

شانه‌ى راگه‌یاندنى ئه‌منى عێراق ئاشكراى كرد، له‌ پارێزگاى كه‌ركووك 10 تیرۆریستى داعش له‌ لایه‌ن تیمه‌كانى هه‌واڵگرى و لێكۆڵینه‌وه‌ى فیدڕاڵى گیراون و له‌ وته‌كانیان دانیان به‌ تاوانه‌كانیان ناوه‌.

ئه‌مڕۆ شه‌ممه‌ 19ى حوزه‌یران ئاژانسى هه‌واڵى عێراقى (واع) گرتنى 10 تیرۆریستى بڵاوكردووه‌ته‌وه‌. له‌ هه‌واڵه‌كه‌دا ئاماژه‌ به‌ ناوه‌ڕۆكى راگه‌یێندراوێكى شانه‌ى راگه‌یاندنى ئه‌منى عێراق كراوه‌ كه‌ گوتوویه‌تى، "به‌گوێره‌ى زانیارى وردى هه‌واڵگرى تیمه‌كانى هه‌واڵگرى و لێكۆڵینه‌وه‌ى فیدڕاڵى سه‌ربه‌ وه‌زاره‌تى ناوخۆى عێراق توانیان 10 تیرۆریستى داواكراو به‌گوێره‌ى ماده‌ى چوارى تیرۆر بگرن، كه‌ وه‌ك شانه‌ى خه‌وتوو له‌ كه‌ركووك كاریان كردووه‌".

له‌ راگه‌یێندراوه‌كه‌ روونكراوه‌ته‌وه‌ هه‌ندێك له‌و تیرۆریستانه‌ پاڵپشتیان بۆ داعش كۆكردنه‌وه‌ و هه‌ندێكى تریش وه‌ك چه‌كدار له‌ ناوچه‌ى كه‌ركووك كارى تاوانیان كردووه‌.

دووپاتی ئه‌وه‌یش كراوه‌ته‌وه‌، وته‌ سه‌ره‌تاییه‌كانیان وه‌رگیراوه‌ و دانیان به‌ تاوانه‌كانیان ناوه‌.

حكومه‌تى عێراق له‌كۆتایى ساڵى 2017 سه‌ركه‌وتنى به‌سه‌ر رێكخراوى تیرۆریستى داعش راگه‌یاندووه‌، كه‌چى تا ئێستا چه‌كدارانى ئه‌و رێكخراوه‌ تیرۆریستییه‌ له‌ چه‌ند ناوچه‌یه‌كى عێراق خه‌ریكى تاوانن، به‌ تایبه‌تى له‌ كه‌ركووك و مووسڵ و سه‌ڵاحه‌دین و دیاله‌ و ئه‌نبار.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین