كازمى : وه‌ڵامى زۆرێك له‌ درۆیه‌كان ناده‌مه‌وه‌ عێراق ناوچەکە و جیهان

نوچه‌نێت

مسته‌فا كازمى سه‌رۆك وه‌زیرانى عێراق دووپاتى كرده‌وه،‌ بایه‌خ به‌ موزایه‌ده‌ى هه‌ڵبژاردن نادات و وه‌ڵامى زۆرێك له‌ درۆیه‌كان ناداته‌وه‌ كه‌ سه‌باره‌ت به‌ حكومه‌ته‌كه‌ى ده‌كرێن.

مسته‌فا كازمى سه‌رۆك وه‌زیرانى عێراق دووپاتى كرده‌وه،‌ بایه‌خ به‌ موزایه‌ده‌ى هه‌ڵبژاردن نادات و وه‌ڵامى زۆرێك له‌ درۆیه‌كان ناداته‌وه‌ كه‌ سه‌باره‌ت به‌ حكومه‌ته‌كه‌ى ده‌كرێن.

ئه‌مڕۆ  شه‌موو 13ى شوبات مسته‌فا كازمى سه‌رۆك وه‌زیرانى عێراق له‌ وتارێكدا كه‌ به‌ بۆنه‌ى رۆژى شه‌هیدى عێراق به‌ڕێوه‌چوو باسى له‌وه‌ كرد، له‌و رۆژه‌وه‌ى حكومه‌ته‌كه‌ى ده‌ست به‌كاربووه‌،  درۆى بۆ هه‌ڵبه‌ستراوه‌.

كازمى گوتى، "بێده‌نگم وه‌ڵامى زۆرێك له‌و درۆیانه‌ ناده‌مه‌وه‌ كه‌ سه‌باره‌ت به‌ حكومه‌ته‌كه‌م ده‌كرێت".

هه‌روه‌ها باسى له‌وه‌یش كرد كه‌ بایه‌خ به‌ پروپاگه‌نده‌ و موزایه‌ده‌ى هه‌ڵبژاردنه‌كان نادات . دووپاتیشى كرده‌وه‌ كاره‌كانى لیژنه‌ى به‌ره‌نگاربوونه‌وه‌ى گه‌نده‌ڵى به‌ هه‌ر شێوه‌یه‌ك بێت به‌رده‌وام ده‌بێت.حكوته‌كه‌ى هه‌وڵ ده‌دات پرۆگرامى چاكسازى جێبه‌جێ بكات.

كازمى گوتیشى، "هێزه‌ عێراقییه‌كان ئۆپراسیۆنێكى گرنگى ئه‌منیان له‌ دژى داعش ئه‌نجام داوه‌" به‌ڵام ورده‌كارییه‌كانى ئاشكرا نه‌كرد.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین