كازمى: هێرشه‌ مووشه‌كییه‌كان بۆ شه‌رمه‌زاركردنى حكومه‌ته‌ عێراق ناوچەکە و جیهان

نوچه‌نێت

مسته‌فا كازمى سه‌رۆك وه‌زیرانى عێراق له‌ كۆبوونه‌وه‌ى ئاسایى ئه‌نجوومه‌نى وه‌زیران گوتى، له‌ هێرشه‌ مووشه‌كییه‌كان بێده‌نگ نابێت و ئامانجى هێرشه‌ مووشه‌كییه‌كان بۆ شه‌رمه‌زاركردنى حكومه‌ته‌.

ئه‌مڕۆ سێشه‌م 23ى شوبات مسته‌فا كازمى سه‌رۆكایه‌تى كۆبوونه‌وه‌ى ئاسایى ئه‌نجوومه‌نى وه‌زیرانى عێراقى كرد و له‌ كۆبوونه‌وه‌كه‌ باسى له‌ چه‌ندان ته‌وه‌ر كرد.

سه‌باره‌ت به‌ هێرشه‌ مووشه‌كییه‌كان مسته‌فا كازمى گوتى، "عێراق نابێته‌ گۆڕه‌پانى ململانێ، ئامانجى مووشه‌كه‌ بێهوده‌كانیش دروستكردنى كۆسپ و شه‌مه‌زاركردنى حكومه‌ته‌".

دواتر له‌سه‌ر هه‌مان بابه‌ت مسته‌فا كازمى به‌ڵێنى دا، كه‌ تاوانباران ده‌دۆزێته‌وه‌ و بۆ راى گشتى ئاشكرایان ده‌كات.

ماوه‌ى دوو ساڵه‌ هێرشى مووشه‌كى بۆ سه‌ر دامه‌زراوه‌ گرنگه‌كانى ده‌وڵه‌ت و شانده‌ دیپلۆماسییه‌كان و بنكه‌ و سه‌ربازه‌گه‌كانى هاوپه‌یمانان بووه‌ته‌ دیارده‌ و حكومه‌تى عێراق تا ئێستا نه‌یتوانیوه‌ چاره‌سه‌رى بكات.
 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین