پلەی گەرما بەرزدەبێتەوە کوردستانی

نوچەنێت

بەپێی به‌ڕێوه‌به‌رایه‌تی گشتی که‌شناسی و بومه‌له‌رزه‌زانی هه‌رێم، ئه‌مڕۆ و سبه‌ی شه‌ممه‌، ئاسمانی هه‌رێم به‌گشتی ساماڵ و نیمچه‌ هه‌ور ده‌بێت و پله‌کانی گه‌رما بەرزدەبنەوە.

ئەمڕۆ هەینی( 15/نیسان/2022) به‌ڕێوه‌به‌رایه‌تی گشتی که‌شناسی و بومه‌له‌رزه‌زانی  بڵاویکرده‌وه‌، ئه‌مڕۆ له‌زۆربه‌ی ناوچه‌کانی هه‌رێمی کوردستان ئاسمان ساماڵ ده‌بێت له‌گه‌ڵ هه‌ندێک په‌ڵه‌ هه‌ور پاشان له‌ هه‌ندێک ناوچه‌ ده‌گۆڕێت بۆ نیمچه‌ هه‌ور، سبه‌ی شه‌ممه‌ ئاسمان ساماڵ و په‌ڵه‌ هه‌ور ده‌بێت.

بەپێی بەڕێوەبەرایەتی گشتی کەشناسی و بومەلەرزەزانی هەرێم، خێرایی با له‌ نێوان (10— 15 ) کیلۆمه‌تر له‌کاتژمێرێکدا ده‌بێت و نزمترین پله‌ی گه‌رمای تۆمارکراو 7 پله‌ی سیلیزی و به‌رزترین پله‌ی گه‌رمای پێشبینیکراویش 24  پله‌ی سیلیزی ده‌بێت.

بەرزترین پلەى گەرماى پێشبینیکراو لە پارێزگای هەولێر 25 پلەى سیلیزى، له‌ سلێمانی 24 پله‌، له‌ دهۆک 25 پله‌، له‌ که‌رکوک 27 پله‌ و له‌ پارێزگای هه‌ڵه‌بجه‌ 24 پله‌ی سیلیزی ده‌بێت.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین