سكاى نیوز: توركیا شه‌ڕێكى تر دژى كورده‌كانى سووریا راده‌گه‌ینێ تورکیە

نوچه‌نێت

ماڵپه‌ڕى سكاى نیوزى عه‌ره‌بى ئه‌مڕۆ له‌ راپۆرتێكدا باس له‌وه‌ ده‌كات توركیا ئاوى فوڕات كه‌م كردووه‌ته‌وه‌، ئه‌مه‌یش وه‌ك راگه‌یاندنى شه‌ڕێكى تره‌ له‌ دژى كورده‌كانى سووریا "رۆژئاواى كوردستان".

ماڵپه‌ڕى سكاى نیوز ئه‌مڕۆ شه‌موو 13ى ئادار له‌ راپۆرتێكدا باسى له‌ كێشه‌ى گرتنه‌وه‌ى ئاوى فوڕات كردووه‌ له‌لایه‌ن توركیاوه‌ و ده‌ڵێ كاریگه‌رى خراپى له‌سه‌ر خه‌ڵك و كشتوكاڵى ئه‌و ناوچه‌یه‌ ده‌بێت كه‌ ئه‌نجوومه‌نى خۆسه‌رى به‌ڕێوه‌ ده‌بات.

له‌ راپۆرته‌كه‌دا ئه‌نجوومه‌نى خۆسه‌ر هۆشداریى ده‌دات له‌وه‌ى به‌هۆى ئه‌و هه‌ڵسوكه‌وته‌ى توركیاوه‌، كاره‌ساتێك تووشى هاووڵاتیان و كشتوكاڵ ده‌بێت و ئه‌و كاره‌ به‌ "هه‌وڵى برسیكردن و تینوكردنى دانیشتووان ده‌زانێت".

جگه‌ له‌كه‌مبوونه‌وه‌ى ئاو  له‌ راپۆرته‌كه‌ باس له‌وه‌ كراوه‌ ئه‌و بڕه‌ ئاوه‌ى ده‌ڕژێته‌ ناوچه‌كه‌ به‌ ته‌واوى پیسبووه‌ و بڕێكى زۆر مادى ره‌قى له‌خۆ گرتووه‌.

له‌گه‌ڵ نزیكبوونه‌وه‌ى وه‌رزى هاوین ساڵانه‌ كێشه‌ى ئاو له‌ عێراق و سووریا دروست ده‌بێت، به‌هۆى ئه‌وه‌ى توركیا ره‌چاوى رێككه‌وتنه‌ ده‌وڵه‌تییه‌كان ناكات و ئاوى دیجله‌ و فوڕات ده‌گرێته‌وه‌.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین