Nuce Logo

لەدوای تەواوبوونی لوتكەی شەنگەهای لە وەڵامی رۆژنامەنووسان رایگەیاند، "هێرشەكانمان بۆ سەر ناوچە هەستیارییەكان تەنیا هۆشداریدانە، ئەوەی بكرێت ئێمە دەتوانین بیكەین."

لە لەشێكی تری قسەكانی ئاماژەی بەوە كرد، "ئامانجی وڵاتانی رۆژئاوا دابەشكردنی رووسیایە و دەیانەوێت لە رێگەی ئۆكرایناوە رووسیا بڕوخێنن، ئەو ئۆپراسیۆنەش بۆ رێگرییە لەو رووخاندنەی وڵاتانی رۆژئاوا."

سەبارەت بە هەوڵە تیرۆرستییەكانیش بۆ سەر وێستگە ئەتۆمییەكای ئۆكرایناش، سەرۆكی رووسیا جەختی لەسەر ئەوە كردەوە، "هێرشەكان تەنیا نەكراوەتە سەر وێستگەی زاپۆریژیا، بەڵكو كراوەتە سەر وێستگە ئەتۆمییەكانی ناو خاكی رووسیاش."

هەروەك ڤلادیمێر پۆتین هێشداری دایە وڵاتانی رۆژئاوا و گوتی، “ئێمە تا ئێستا تەواویی سوپای وڵاتەكەمان لەو جەنگە بەكار نەهێناوە، بەڵكو ئەوەی بەكارمان هێناوە تەنیا بەشێكە لە سوپا، هێرشەكانی ماوەی رابردوومشان لە هەندێك ناوچەی هەستیاری ئۆكراینا، تەنیا هۆشداریەك بوو."

دەبارەی رەوانەكردنی دانەوێڵەی ئۆكرایناش جەختی لەسەر ئەوە كردەوە، "تا ئێستا (121) كەشتی رەوانەكراوە، لە كۆی ئەم ژمارەیە تەنیا سێ كەشتی بۆ وڵاتە هەژارەكان بووە، كەشتییەكانی تر بۆ وڵاتانی تر بووە."

سەرۆكی رووسیا: توركیا هاوبەشێكی متمانە پێكراوە

سەبارەت بە رەوانەكردنی پەینی كیمیاویش سەرۆكی رووسیا گوتی، "وڵاتانی ئەوروپا قەدەغەی سەر پەینی كیمیاویان لاداوە، بەڵام ئەوەی ماوەتەوە گواستنەوە و پارێزگاریكردن و پێشوازییە لە كەشتییەكان، پێویستە ئەنتۆنیۆ گوترێس، ئەمینداری گشتی نەتەوە یەكگرتووەكان ئەو كێشەیە چارەسەر بكات و سەركەوتوو بێت لە چارەسەكردنیشی."

سەبارەت بە قەیرانی وزەش ئاشكرای كرد، “قەیرانی وزە لەگەڵ دەستپێكردنی هێرشە سەربازییەكانی رووسیا دەستی پێنەكردووە، بەڵكو ساڵێك پێش ئەم بەروارە دەستی پێكردووە، لەگەڵ دەستپێكردنی سیاسەتی وزەی سروشتی دەستی پێكردووە، بۆیە گەڕان بەدوای تاوانبار لە رۆژئاوا بریتیە: لە سیاسەتی تاوانباركردنی ئەوانەی تر لە بواری وزە."

ڤلادیمێر پۆتین: وڵاتانی ئەوروپا هەوڵی رووخاندنی رووسیا دەدەن

سەبارەت بە چارەسەرییەكان وزەش سەرۆكی رووسیا گوتی، "پێویستە (هێلی باكوور2) بكەنەوە، ئەوەندەش بەسە ئێوە فشار بكەن، گازپڕۆم لە دابینكردنی گاز بەگوێرەی ئەو گرێبەستانەی ئەنجامدراون بەردەوام دەبێت، قەیرانی گاز لە ئەوروپا ئێوە هۆكارن، پۆڵندا گەمارۆی هێڵی ئەوروپای داوە، ئۆكراینا هێڵێكی سەرەكی داخستووە، (هێڵی باكوور1) پێویستی بە چاكردنەوەیە، با رۆژئاوا خۆی بیر لە بەرژەوەندییەكانی بكات، ئەوە بكات كە دەیەوێت.

لووتکەی رێکخراوی هاریکاریی شەنگهای لە ساڵی (2001) دامەزراوە، چوارەم جارە ئوزباکستان میوانداریی لووتکەکە دەکات. ئامانجی سەرەکی بەهێزکردنی پەیوەندیی ئابووری و ئاسایشی ناوچەی ئۆراسیایە، هەریەك لە چین، رووسیا، کازاخستان، تاجیکستان، قیرغستان، ئوزباکستان، هیندستان و پاکستان کە ئەندامی سەرەکیی رێکخراوەکەن، هەروەها وڵاتانی چاودێر و هاوبەشانی دیالۆگ لە لووتکەکە بانگهێشت دەکرێن، کە گرنگترینیان ئێران، تورکیا، ئازەربایجان، ئەرمینیا و بێلاڕووسن.

تا ئێستا رووسیا بەشێكی هێزەكانی دژ بە ئۆكراینا دەجەنگن

سەبارەت بە كۆبوونەوەی لەگەڵ رەجەب تەیب ئەردۆغان سەرۆكی رووسیا رایگەیاند، "توركیا یەكێك لەو رێڕەوە متمانە پێكراوانەیە بۆ گازی رووسیا، بۆڕی توركیا بەبێ پسانەوە كاردەكات، ئەوەش تەنیا بۆ خودی توركیا نیییە بەڵكو بۆ وڵاتانی ئەوروپاشە."

لە بەشێكی تری قسەكانی ڤلادیمێر پۆتین ئاماژەی بەوە كرد، "توركیا لە (25%) نرخی گازی رووسی بە رۆبڵ دەدەت، لە رابردووش توركیا پابەند بووە بە رەوانەكردنی گازی وڵاتەكەمان بۆ ئەوروپا."

دەربارەی رێككەوتنی دانەوێڵە سەرۆكی رووسیا ئاماژەی بەوە كرد هەندێك ئاماژەمان بە دەست گەیشتووە بۆ ئەگەری دەستپێكردنی بەرهەمە خۆراكییەكان لە رێگەی توركیا، چونكە ئەنقەرە هاوپەیمانێكی متمانە پێكراوە بۆ ئەو مەبەستە، دەكرێت پڕۆسەی رەوانەكردن و رادەستكردن بۆ هەموو وڵاتانی جیهان بەتایبەت ئاسیا و ئەمەریكای لاتین و ئەفریقیا لە رێگەی توركیاوە بێت، چونكە ئێمە بەشێوەیەكی سەرەكی لەوێوە چادوێری دەكەین."

هەروەك سوپاسی ئەردۆغانیشی كرد بۆ بەشداری لە گرێبەستی دانەوێڵە، ئامادەیی زیادكردنی هاوكارییەكانی بۆ توركیاش لە هەموو بوارەكان دەربڕی.