سەرۆك وەزيرانى يۆنان هۆشدارى دەداتە توركيا تورکیە
كرياكۆس ميتسۆتاكس، سەرۆك وەزيرانى يۆنان هۆشدارى دايە توركيا نابێت چيتر گومان لەسەر سەروەرى يۆنان بەسەر دوورگەى دەيارى ئيجە بكات، داواش دەكات لەچوارچێوەى ياساى نێودەوڵەتى وەك دوو دراوسێ پێكەوە هاوئاهەنگ بدەن.

ئەمڕۆ شەممە (24/ئەيلوول/ 2022) ماڵپەڕى (ئاڕتى) بڵاويكردەوە سەرۆك وەزيرانى يۆنان لە وتارى خولى (77)ى نەتەوە يەكگرتووەكان هۆشدارى دا و رايگەياند، "توركيا سياسەتێكى نامۆى بەرانبەر وڵاتەكەمان هەيە، ئەو زمانەى قسەى پێدەكات زياترى بەلاى شەڕە، ئەوان هەڕەشەى ئەوە دەكەن ئەگەر وڵاتەكەمان بڕيار بدات، ئەوا لە شەوێكدا هێرش دەكەنە سەرمان."

لە بەشێكى ترى قسەكانى نيگەرانى خۆى دەربڕى و ئاماژەى بەوە كرد، "بەداخەوە ئەوە شتێكى نوێ نييە، توركيا هەڕەشە لە سەروەرى وڵاتەكەمان بەسەر دەرياى ئيجەوە دەكات، ئەگەر ئێمە بڕياربدەين سوود لە مافى سەروەرى خۆمان لە ئاوە ناوچەييەكانمان وەربگرين، ئەوا هەڕەشانەش هەميشە دووربارە دەبنەوە."

دەربارەى گومانەكانى توركيا لەسەروەرى وڵاتەكەى بەسەر دوورگەى خيۆس و رۆدۆس سەرۆك وەزيرانى يۆنان نيگەرانى خۆى دەربڕى و جەختى لەسەر ئەوە كردەوە، "ئەو گوتارە دوژمنكارييانە و هەڵمەتە فراوانەكەىى ئەنقەرە بۆ بڵاوكردنەوەى زيانيارى نادروست و پێشێلى مافەكانى يۆنان لە بەكارهێنانى ئاسمان و ئاوى ئيجە و هاتنى كۆچبەران و رەتكردنەوەى بەشدارى توركيا لە كۆبوونەوەى باڵا جێگەى گومانە."

لە بەشێكى ترى قسەكانى دەڵێت، "ئايا ئەو مامەڵەيەى بۆ وڵاتێكى ئەندامى ناتۆ قبووڵكراوە، ئايا پێويست نييە رێز لە پەيماننامەى نەتەوە يەكگرتووەكان بگرێت."

سەبارەت بە داواكانى توركياش دەڵێت، "ئەنقەرە داواى دەستهەڵگرتن لە سەروەرى بەسەر دوورگەى يۆنانى دەكات، ئەوەش هيچ بنەمايەكى نييە، وڵاتەكەمان ئەوە بە هێڵى سوور دەزانێت، من وەك سەرۆكى حكومەت جەخت لەسەر ئەوە دەكەمەوە هەرگيز بە رێككەوتنێك رازى نابم زيان  بە سەروەرى نيشتيمانى و سەقامگيرى وڵاتەكەمان بگەيێنێت، بەڵام لەگەڵ ئەوەشدا رێگەى تر بۆ پێكەوە ژيانى هەردوو وڵات هەيە، ئێمە دوژمنى ئەنقەرە نين، نابين بە هەڕەشەش بۆ سەر ئەو وڵاتە، بۆيە داوا دەكەم بە رۆحى رێزگرتنى دوولايەنە و بەگوێرەى ياساى نێودەوڵەتى هاوئاهەنگ بين."

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین