هەسەدە هەموو چالاكییەكی هاوبەشی لەگەڵ هاوپەیمانی نێودەوڵەتی راگرت عێراق ناوچەکە و جیهان

نوچەنێت

ئارام حەنا، گوتەبێژی هێزەكانی سووریای دیموكرات (هەسەدە) رایگەیاند، "لەدوای بۆردوومانی توركیا بۆ سەر ناوچەكانمان هەموو چالاییە هاوبەشەكانمان بۆ بەرەنگاربوونەوەی تیرۆر لەگەڵ هێزەكانی هاوپەیمانان راگرتووە."

ئەمڕۆ هەینی (دووی/كانوونی دووەم/2022) ماڵپەڕی (حوڕە) بڵاویكردەوە گوتەبێژی هێزەكانی سووریای دیموكرات رایگەیاند، "هەموو هەماهەنگی و ئۆپراسیۆنێكی هاوبەشمان بۆ بەرەنگاربوونەوەی رێكخراوی تیرۆرستی داعش، كە ئەمەریكا سەركردایەتی دەكرد وەستاندووە."

سەبارەت بەكاریگەرییەكانیشی گوتەبێژی هەسەدە پێیوایە ئەو وەساندنە كاریگەری لەسەر زیادبوونەوەی چالاكییەكانی داعش دەبێت، هەروەك گوتیشی، "لەگەڵ هاوپەیمانی نێودەوڵەتی پەیوەندییەكانمان بەردەوامە."

لە چەند رۆژی رابردووش لوید ئۆستن، وەزیری بەرگری ئەمەریكا نیگەرانی خۆی لە هێرشەكانی توركیا بۆ سەر ناوچەكانی رۆژئاوای كوردستان دەربڕی و بە وەزیری بەرگری توركیای راگەیاندبوو، "ئەو هێرشانە راستەوخۆ كاریگەری لەسەر ئەو كەسانەمان دەبێت، كە لەگەڵ هاوبەشەكانمان لەو ناوچانەی سووریا لە دژی داعش دەجەنگن."

لە (20)ی مانگی رابردوو توركیا بەفەرمی هێرشە ئاسمانییەكانی بۆسەر ناوچەكانی رۆژئاوای كوردستان دەستپێكرد، تا ئێستاش ئێرەشەكان بە فەرمی رانەگیراون.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین