لـە دارشـتـنـی سـیـاسـەتـی ئـابـووری جـیـهـان ئـافـرەتـەکـان چـالاکـتـریـنـن شیکاری ئابوری
لەسەردەمی بڵاوبوونەوەی پەتای کۆرۆنا، ئەو ویلایەتانەی کە ئافرەی ئیدارەی داون ، کەمترین ڕێژەی مردنی بە هۆی پەتاکەوە لێ تۆمارکراوە.

ئامادەکردنی نوچەنێت

ئافرەتان لە ئابووری جیهانیدا پۆستی سەرەکییان هەیە و، شارەزایی خۆیان لە وەزارەت و ڕێکخراوە نێودەوڵەتییەکان، لە سیاسەتی ئابووری و پرسە گرنگەکانی ئەو بوارە دەخەنەڕوو. لە وڵاتێکی وەک ئەمریکا، ئافرەت ڕێژەی 48%ـی، پۆستە باڵاکانی ئیدارەی بایدنی بەدەستەوەیە. 

لە ڕوانگەی شارەزایانی ئابووری ئەمریکایدا،  ئافرەتان بە توانا ترن لە خستنەڕووی ڕوانگەی  نوێ، بۆ سیاسەتی ئابووری ئەمریکا پەرە پێدانی، هاوکات ناوندە گرنگەکانی تایبەت بە ڕێکاری دارایی و ئابوورییەکان، لە ئەمریکادا لە لایەن ئافرەتەوە بەڕیوەدەبردرێن، لەوانە: جانێت ئیلین، وەزیری خەزێنەی ئەمریکا، جینا ریمۆند و، وەزیری بازرگانی، کاسرین تای، ڕاوژێکاری باڵا لە بازرگانی ئەمریکا، لەو ئافرەتە باڵایانەی ئەمریکان کە کاریگەرییان هەیە لە سیاسەتی ئابووری ئەمریکا. 

لەدەرەوەی وڵاتی ئەمریکا، ئافرەت ڕۆڵی بەرچاوی هەیە، لە ئابووری جیهانیدا، کریستین لاگارد، سەرۆکی بانکی ناوەندی ئەورووپا، یەکێکە لەو ئافرەتانەی کە توانایەکی کاریگەری هەیە، لە بەڕێوەبردنی پرۆژە جیهانییەکان، بە بڕی زیاتر لە 2.4 تریلیۆن یۆرۆ، هەروەها کریستاڵینا جیۆرجیڤا، سەرۆکی سندوقی دراوی نێودەوڵەتی، ساڵانە پرۆژەی جودا بە توانای یەک تریلیۆن دۆلاری، ئیدارەی پرسە ئابوورییەکانی وڵاتان و پێشخستنیان دەدات، ئەمە جگە لەوەی سەرۆکی ڕێکخراوی بازرگانی جیهانی ئافرەتێکی ئەفریقایی بەڕێوەدەبات. 

ماڵپەری ڕۆیتەرز لە ڕاپۆرتێکدا، ئاماری تایبەت بە سەرکردە ئافرەتەکانی جیهانی خستووەتەڕوو، بە گوێرەی ڕاپۆرتەکە، لە 57 وڵاتی جیهان ئافرەت سەرۆکی وڵاتە و، حکومەتەکانیان لە لایەن ئافرەتەوە بەڕێوە دەبردێن، بەڵام لەو وەزارەت و ناوەندە ئابوورییەکاندا، ڕێژەی ئافرەت کەمترە بە بەراورد بە ڕێژەی پیاو. 

ناوەندی OMFIFـی تایبەت بە توێژینەوەی پرسە بانکییەکان و سیاسەتی ئابووری، لە توێژینەوەیەکدا، ڕێژەی ئافرەتی لە وەزارەت و ناوەندە ئابوورییەکانی جیهان خستووەتەڕوو، تیادا هاتووە، لە جیهان 16 وەزیری دارایی و ئابووری و 14 بانکی نێودەوڵەتی جیهانی لە لایەن ئافرەتەوە بە ڕێوەدەبردرێن.

کـاریـگـەری ئـافـرەت لـە سـیـاسـەتـی ئـابـووری 

سندوقی دراوی نێودەوڵەتی لە توێژینەوەیەکیدا، ئاشکرای کردووە، کە ئافرەت تەنیا ڕێژەی 2%، پۆستە باڵاکانی ناوەندە ئابوورییەکانی جیهان پێك دەهێنن، هەروەها تەنیا ڕێژەی 20%ـی، دەسەڵاتی کارگێڕی پرسە دارییەکان ئافرەت بەڕێوەیان دەبات، بەڵام ئەو ناوەندانەی کە ئافرەت بەڕێوەیان دەبەن، نەرمی و سەقامگیریی دارایی زیاتر نیشان دەدەن. 

لە توێژینەوەیەکیدا، ناوەندی، مەککینز بۆ شیکارییەکانی ئابووری، بڵاویکردەوە، کە ئافرەت ڕێژەی 39%ـی، دەستی کار پێك دەهێنێت، لە سەرانسەری جیهاندا، بەڵام لە هەمانکاتدا، ڕێژەی 54%ـی، ئەو کەسانەی کە ساڵانە کار لەدەست دەدەن ئافرەتن.

ئـافـرەت و وەبـەرهـێـنـان 

گۆڤاری فۆربس، لە دواین ڕاپۆرتیدا، ناوی میلیادێرەکانی جیهانی ڕاگەیاند، جگە لە زیادبوونی سەرمایەی پیاوە ملیاردێرەکان، ئافرەتانیش هاوشانی ئەوان لە هەڵکشانی بەردەوامدان، بۆ زیادکردنی سەرمایەکانیان. 

بە گوێرەی گۆڤاری فۆربس، کۆی سامانی ئافرەتە میلیاردێرەکان زیاتر 1.53 تریلیۆن دۆلارە، هاوکات زیادبوونی سەرمایەکان خۆبەندە بە زیادبوونی ژمارەی میلیاردێرە ئافرەتەکان، لە 241 ئافرەت بۆ 348 ئافرەتی میلیاردێر، بەراورد بە ساڵی ڕابردوو، واتە ئاستی سەرمایەی ئافرەتان بە ڕێژەی 60% زیادیکردووە..

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین