ئایا ناوچەی داماڵدراو لە چەك ئاڵۆزییەكانی توركیا و هەسەدە كەم دەكاتەوە؟ شیکاری

نوچە نێت

وەرگێرانی: ئیسماعیل تەها 

سەرەڕای ئاگەربەست لە بەنبەج لەنێوان هێزەكانی سووریای دیموكرات و گرووپەكانی نزیك لە توركیا، بەڵام تا ئێستا دۆخی ناوچەكانی باكووری سووریا ئاڵۆزە، بۆ چارەسەر ئەو ئاڵۆزیانەش هەسەدە داوای كردووە ناوچە سنوورەكییەكانی توركیا و سووریا لەچەك دابماڵدرێت ئەوەش بۆ چارەسەركردنی مەترسییە ئەمنییەكانی ئەنقەرەیە.

لاری كۆرب، یاریدەری پێشووتری وەزیری بەرگری ئەمەریكا جەخت لەسەر ئەوە دەكاتەوە، سووریا پێویستی بە ناوچەیەكی داماڵدراو لە چەك هەیە، لەگەڵ دڵنیاییدان لە رێگری لە هێزەكانی رووسیا بۆ درووستكردنی پێگەی خۆیان لە خاكی سووریا، هەروەها پێویستە كوردەكانیش لە دژی یەكتری نەجەنگن و هەوڵەكان بۆ بونیادنانی وڵاتەكەیان بخەنەگەڕ.

لای كۆرب ئاماژ بەوەش دەكات، پرسیاری راستەقینە ئەوەیە، ئایا دەكرێت ئەمەریكا و توركیا كە دوو هاوپەیمانن لە ناتۆ سەبارەت بە رۆڵی كورد لە قۆناغی دوای بەشار ئەسەد بگەن بە رێككەوتن.؟

مەزڵووم عەبدی، فەرماندەی هێزەكانی سووریای دیموكرات داوای درووستكردنی ناوچەیەكی لە كۆبانی سنوورەكان لەگەڵ توركیا كردووە كە چەكی تێدا داماڵدرێت، ئەو لێدوانانەی لەدوای درێژكردنەوەی ئاگربەستە لەنێوان هێزە كوردییەكان و هێزەكانی نزیك لە توركیا لە ناوچەی مەنبەج.

عەبدی دەشڵێت، "وەك جەختكردنەوە لەسەر پابەندی نەگۆڕمان بە راگرتنی گشتگیری جەنگ لە هەموو سووریا ئامادەین بۆ پێشنیاركردنی درووستكردنی ناوچەیەكی داماڵدراو لە چەك لە شاری كۆبانێ، لەگەڵ دووبارە دابەشكردنەوەی هێزە ئەمنییەكان لەژێر سەرپەرشتی و بوونی ئەمەریكا." بەگوتەی مەزڵووم عەبدی ئامانج لەو دەستپێشخەرییە ئەمنییە چارەسەركردنی مەترسییە ئەمنییەكانی توركیایە.

هەر سەربارەت بەو مەترسیانە جەواد گۆك، لێكۆڵەری سیاسی تورك دەڵێت، "ئەنقەرە متمانە بە كورد ناكات، ئەو پێشنیارەش كراوە، گرووپەكانی ئۆپۆزسیۆن لە لایەن توركیا و مەشقیان پێكراوە و پاڵپشتی دەكرێن بۆ دوورخستنەوەی هێزەكانی سووریای دیموكرات لە ناوچە سنوورییەكان."

لە بەشێكی دیكەی قسەكانی جەخت لەسەر ئەوە دەكاتەوە، قەیرانی متمانە لەنێوان هەردوولا هەیە، ئەوەش لە كاتێدایە واشنتن وەك هاوپەیمان سەیری كوردەكان دەكات، بەڵام ئەنقەرە ئەو روانینەی نییە."

سەربارەت بە هەڵوێستی توركیاش گۆك دەڵێت، "ئەنقەرە ئامادەیی بۆ گفتوگۆ لەسەر هەر پێشنیارێك دەربڕیووە كە ئەگەر حكومەتی نوێ لە دیمەشق درووست بكرێت."ئاماژە بەوەش دەكات، توركیا دەیەوێت بە درێژایی (30) كیلۆمەتر بچێتە ناو سنوورەكانی سووریا."

یاریدەری پێشووتری وەزیری بەرگری ئەمەریكا هۆشداری لە درووستبوونی ململانێ لەناو ریزەكانی كورد دەدات و پێیوایە ئەوە دەبێتە هۆی سەرلێشێواوی لەو رووداوانەی لەناو سووریا روودەدەن. كۆرب دەشڵێت، "هەماهەنگی ئەمەریكا لەگەڵ كورد لە (2014)وە بۆ بەرەنگاری جەنگی داعش بۆتە جۆرێك لە پەیوەندی لەنێوان هەردوولا."

ئەو لێكۆڵەرە تورەكەش باس لەوە دەكات، كە لە داهاتوو ئەنقەرە هەر گرەنتیەكی واشنتن بۆ هەر رێككەوتنێك قبووڵ دەكات، بەڵام بەر لەوە پێویستە هەڵوەستە لەسەر راگرتنی هەڕەشەی هێزە كوردییەكان بەرانبەر توركیا، تەنانەت بەرانبەر گرووپە سوورییەكانیش بكەین."

هەر سەبارەت بەو پرسە ماتیۆ میلەر، گوتەبێژی وەزارەتی دەرەوەی ئەمەریكا رایگەیاند، رێككەوتنی ئاگربەست لە مەنبەج لەنێوان توركیا و هەسەدە، تاوەكوو كۆتایی ئەو هەفتەیە و هیواخوازین ئەو رێككەوتنە بۆ ماوەیەكی دیكە درێژ ببێتەوە."

میلەر لە بەشێكی دیكەی قسەكانی گوتی، نامانەوێت هیچ لایەك دۆخی ناسەقامگیری سووریا بۆ بەهێزكردنی بەرژەوەندی تەسكی خۆیان لەسەر حیسابی بەرژەوەندی فراوانی نیشتیمانی سووریا بقۆزێتەوە.

رۆژی سێشەممە هەسەدە لە راگەیێندراوێكدا توركیا بەوە تۆمەتباركرد، كە پیلان بۆ هێرشكردنە سەر كۆبانێ دادەڕێژێت و ژمارەیەكی زۆری هێز و گرووپە چەكدارەكانی بە چەكی قوورسەوە لە دەوروبەری كۆبانێ كۆكردۆتەوە.

سەرچاوە: ماڵپەڕی حوڕە

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین