راگەیاندنی ئیسرائیل: حەماس و جیهاد لە سووریا مەشق دەكەن عێراق ناوچەکە و جیهان

نوچەنێت:

سەرچاوە ئیسرائیلییەكان باس لەوە دەكەن، لەسەر سەرۆك كۆماری توركیا حكومەتی نوێی سووریا رێگەی داوە چەكدارانی حەماس و جیهادی ئیسلامی لەسەر خاكی وڵاتەكەی مەشقی سەربازیی بكەن، ئەوەش دڵەڕاوێكی لای دەسەڵاتدارانی تەلئەبیب زیاد كردووە.

رۆژی سێشەممە (29/ نیسان/ 2025) ماڵپەڕی (سكای نیوز عەرەبی) بڵاوی كردەوە،  كەناڵی (ئای 24 نیوز)ی ئیسرائیلی بە پشتبەستن بە چەند سەرچاوەیەكی ئاشكرای كردووە، لەسەر داوای رەجەب تەیب ئەردۆغان، سەرۆك كۆماری توركیا گرووپە چەكدارەكانی فەڵەستین لە سووریا دەرفەتی چالاكییان پێدراوە و لەو وڵاتە بنكەی مەشقیان كردۆتەوە.

سەرچاوەكان ئاماژە بەوە دەكەن سەرەڕای ئاڵۆزی نێوان بزووتنەوەی جیهادی فەڵەستینی و دەسەڵاتدارانی ئێستا بەهۆی پەیوەندییەكانی لەگەڵ ئێران و دەسەڵاتی پێشووی سووریا بەڵام ئێستا ئەو گرووپەش بەشدارە لە مەشقەكەكان.

سەرچاوەكان ئاشكرایان كردووە، دەسەڵاتدارانی ئیسرائیل بە وردی چاودێری فراوانبوونی حەماس و جیهاد لەسەر خاكی سووریا دەكەن.

لە بەشێكی دیكەی زانیاریییەكان هاتووە، توركیا ئێستا بە چەك و پێداویستی هاوكاریی ئەو گرووپانە لە ناو خاكی سووریا ناكات، بەڵام تەلئەبیب هەر هەنگاوێكی لەو جۆرە بە بەزاندنی هێڵی سوور دەزانێت و رێكاری پێویست دەگرێتەبەر.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین