خامنەیی: وەڵامی هێرشەکانی ئیسرائیل دەدەینەوە
نوچە نێت
ئەمڕۆ هەینی (13/حوزەیران/2025) ماڵپەڕی (ئێرنا) بڵاویکردەوە، رێبەری باڵای کۆماری ئیسلامیی ئێران رایگەیاند، '"رژێمی زایۆنی لە بەیانیی ئەمڕۆدا دەستی خوێناویی خۆی بۆ تاوانێک لە وڵاتی خۆشەویستمان درێژ کرد و بە بە ئامانج گرتنی ناوەندە نیشتەجێبوونەکان زیاتر لە جاران سرووشتی خۆی ئاشکرا کرد".
رێبەری باڵای کۆماری ئیسلامیی ئێران هەڕەشەی تۆڵەسەندنەوە دەکات و رایدەگەیێنێت، "پێویستە ئەم رژێمە چاوەڕێی سزای زۆر زیاتر و سەختتر بکات. دەستی بەهێزی هێزە چەکدارەکانی کۆماری ئیسلامیی ئێران تۆڵە دەکاتەوە".
خامنەیی دەشڵێت، "ژمارەیەک فەرماندەی سەربازی و زانای ئەتۆمیی وڵاتەکەی لە ئەنجامی هێرشەکەدا کوژراون، بەڵام جێگرەوە و هاوکارانیان ئەرکەکانی خۆیان جێبەجێ دەکەن بەبێ هیچ دواکەوتنێک، رژێمی زایۆنی بەم تاوانە، چارەنووسێکی تاڵ و بەئازاری بۆ خۆی مسۆگەر دەکات و بە دڵنیاییەوە وەریدەگرێت".
جێگەی ئاماژە پێدانە، بەرەبەیانیی ئەمڕۆ هەینی (2025-6-13) ئیسرائیل هێرشی کردە سەر ئێران و چەند تەقینەوەیەکی گەورە تارانی پایتەخت و چەندین شاری دیکەی ئێران و رۆژهەڵاتی کوردستانیان هەژاند، چەند بەرپرسێکی باڵای ئێران گیانیان لەدەستدا و لە نێو قوربانییەکانیشدا ژنان و منداڵ هەیە، بەرپرسانی ئیسرائیل دووپاتی دەکەنەوە، "ئامانجی هێرشەکەیان پەکخستنی پرۆگرامی ئەتۆمیی ئێران بووە".
گوتەبێژى سوپاى ئیسرائیلش رایگەیاند، هێرشى پێشوەختەمان کردە سەر ئێران و دەیان شوێنى سەربازییمان لە ناوچە جۆراوجۆرەکانى ئێران کردۆتە ئامانج.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment