ئەردۆغان سەرکۆنەی هێرشە خۆکوژییەکەی سەر کەنیسەی مار ئیلیاس لە دیمەشق دەکات تورکیە

نوچە نێت

سەرۆک کۆماری تورکیا هێرشی سەر کەنیسەی مار ئیلیاس لە دیمەشقی پایتەختی سووریا بەتوندی سەرکۆنە دەکات و ڕایگەیاند، "تورکیا بەردەوام دەبێت لە پشتیوانیکردنی حکوومەتی نوێی سووریا لە رووبەڕووبوونەوەی شەڕی دژی تیرۆر."

ئەمڕۆ دووشەممە (23/حوزەیران/2025) ماڵپەڕی (a habar) بڵاویکردەوە، ڕەجەب تەیب ئەردۆغان سەرۆک کۆماری تورکیا لە هەژماری تایبەتی خۆی لەتۆری کۆمەڵایەتی ئێكس هاوخەمی خۆی بۆ هێرشی سەر کەنیسەی مار ئیلیاس راگەیاند، بەتوندی سەرکۆنەی هێرشە تیرۆرستییەکەی کرد و دەشڵێت، دڵمان لەگەڵ گەلی سووریایە.

هەروەها ئەردۆغان ئاماژەی بەوەشکردووە، "تورکیا لە پاڵ حکوومەتی سووریایە دژی هەر هەوڵێکی تیرۆرستی کە دەبێتە تێکدانی ئارامی و ئاسایش و سەقامگیری ناوچەکانمان، هەرگیز ڕێگە نادەین دووبارە سووریا بەرەو ژینگەیەکی ناسەقامگیری رابکێشرێت لەلایەن گروپە تیرۆرستییەکان.

سەرۆکی تورکیا دووپاتی دەكاتەوە، "تورکیا بەردەوام دەبێت لە پشتیوانیکردنی حکوومەتی نوێی سووریا لە رووبەڕووبوونەوەی شەڕی دژ بە تیرۆر."

جێگەی ئاماژە پێدانە، دوێنێ هێرشێکی خۆکوژیی کرایە سەر کەنیسەی مار ئیلیاس لە دیمەشقی پایتەختی سووریا، وەزارەتی تەندروستی ئەو وڵاتە ڕایگەیاند، بەهۆی هێرشەکە (20) کەس گیانیان لەدەستداوە و (53) کەسیش برینداربوونە.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین