جەهەپە بۆ بەشداریکردنی لە کۆمسیۆنی چارەسەری ئاشتی دوو مەرجی هەیە
نوچە نێت
ئەمڕۆ چوارشەممە (30/تەمووز/2025) ماڵپەڕی (جمهوریەت) بڵاویکردەوە، سەرۆکی گشتی جەهەپە بۆ بەشداریکردنیان لە کۆمسیۆنی تورکیا کە مەهەپە و ئەکپارتی بە پرۆسەی چارەسەری تورکیایەکی دوور لە تیرۆر ناوی دەبات، مەرجەکانی پارتەکەی راگەیاند و دەڵێت، "لێرەدا ئەکپارتی و مەهەپە ئەگەر بیانەوێت ویستەکانی خۆیان لە کۆمسیۆن دەنگی لەسەر بدرێت دوور لە بابەتی پرسی چارەسەری ئاشتی ئەو کات چ پێویستێکیان بە ئێمەیە؟ ئەگەر هاتوو تەنیا باس لە بڕیارەکانی پەیوەست بە پرسەکە بدرێت لە کۆبوونەوەکە ئەو کات ئێمە بەشداری کۆمسیۆن دەبین. هەروەها پێویستە ئەندامانی لیژنەکە بەیەکسانیش دابەش بکرێت، ئەوەی سەرۆکی پەرلەمان پێشکەشی ئێمەی کردووە هیچ یەکسانیەک لە دابەشکردنی ئەندامان نییە."
سەرۆکی جەهەپە ئاماژەی بەوەکرد، کە ئەوان هەر لەسەرەتاوە پشتیوانی چارەسەری پرسی کورد دەکەن و دەشڵێت، "چەندین ساڵە داوای چارەسەری پرسی کورد دەکەین، شوێنی چارەسەری ئەو پرسەش لە پەرلەمانە و پێویستە لە چوارچێوەی دیموکرسیش دەست بە چارەسەری ئەو پرسە بکرێت."
ئۆزەل ئاماژەی بەوەشکرد، کە دامەزراندنی کۆمسیۆن ڕۆڵێکی گرینگ بۆ پرۆسەکە دەبینیێت و کۆتایی بە شەڕی چەند ساڵەی نێوان سوپای تورکیا و پەکەکە دەهێنێت و ئاماژەی بەوەشکرد کە، "لەداهاتوو بیانووی تیرۆر ناهێڵێت، بەم هۆیەشەوە تۆمەتی تیرۆر بۆ هیچ کەسێک هەڵنابەسترێ و نایخەنە زیندانەکان."
ئەمەش لەدوای ئەوەدێت، نوعمان کورتوڵموش سەرۆکی پەرلەمانی تورکیا (25)ـی تەمووزی (2025)، نووسراوێکی فەرمی ئاراستەی لایەنە سیاسیەکانی تورکیا کرد بۆ دیاریکردنی ئەندامانی لیژنەی کۆمسیۆن بۆ چارەسەری پرۆسەری ئاشتی لە تورکیا، کۆی گشتی ئەندامانیش پێکهاتووە لە (51) کەس. هەروەها تاوەکو ئێستا تەنیا مەهەپە و دەم پارتی ناوی ئەندامانیان دیاری کردووە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment