سەرۆکی رووسیا مەرجی وڵاتەکەی بۆ دانووستاندن لەگەڵ ئۆکراینا ئاشكرا دەكات عێراق ناوچەکە و جیهان

نوچە نێت

سەرۆکی رووسیا ڕایگەیاند، "مەرجە سەرەکییەکانی مۆسکۆ بۆ چارەسەرکردنی کێشەی ئۆکراینا ناگۆڕێت، دەبێت هێزەکانمان لە ناوچە کۆنتڕۆڵکراوەکانی ئۆکراینا بمێننەوە و ئۆکراینا ئەندام نەبێت لە ناتۆ".

ڕۆژی شەممە (دووی ئاب/2025) ماڵپەڕی (شەفەق نیوز) بڵاویکردەوە، ڤلادیمیر پوتین، سەرۆکی رووسیا ڕایگەیاند، "دانووستاندنەکان گرنگن بۆ ئاشتی درێژخایەن ئاڵوگۆڕی زیندانیان و دانوستاندنەکانی ئەم دواییەی نێوان مۆسکۆ و کیێڤ ئەرێنی بوون".

سەرۆکی رووسیا دەشڵێت، "بۆ چارەسەرکردنی ئاشتییانە بۆ کێشەکان، پێویستمان بە گفتوگۆی ورد هەیە، دوور لە چاودێری گشتی".

هاوکات پوتین ئاماژە بۆ ئەوەش دەکات، "ئۆکراینا پرسێکی سەرەکییە لە گفتوگۆکانی ئاسایشی ئەوروپا و گفتوگۆکردن لەسەر چارەسەرکردنی بارودۆخی ئۆکراینا لە چوارچێوەی فراوانکردنی ئاسایشی ئەوروپا بەهادارە".

جێگەی ئاماژە پێدانە، لە ماوەی ڕابردوودا بە بەردەوامی ئۆکراینا و رێکخراوە نێودەوڵەتییەکانی وەک دادگای تاوانی نێودەوڵەتی باس لەوە دەکەن، "رووسیا بە نایاسایی هەزاران منداڵی ئۆکراینی لە ناوچە داگیرکراوەکان دیپۆرت کردووەتەوە"،

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین