بەڕێوەبەری سۆمۆ: هەرێمی كوردستان هیچ نەوتێكی رادەست نەكردووین کوردستان- عێراق

نوچەنێت

عەلی نزار فایەق، بەڕێوەبەری گشتیی کۆمپانیای بەبازاڕکردنی نەوتی عێراق (سۆمۆ) راگەیاند، تاوەکو ئێستا هیچ بڕە نەوتێکمان لەلایەن هەرێمی كوردستانەوە بۆ فرۆشتن رادەستنەکراوە.

ئەمرۆ چوارشەممە (13/ ئاب/2025) بەڕێوەبەری گشتی كۆمپانیای سۆمۆ رایگەیاند، ئێمە تەنیا لایەنی فرۆشیارین. سەرجەم ئەو رێکار و ئامادەکارییانەی پێویستن بۆ وەرگرتن و فرۆشتنی نەوتی هەرێمی کوردستان تەواوکراون، حكومەتی هەرێم تاوەكوو ئێستا هیچ بڕە نەوتێكی رادەست نەكردووین.

سەبارەت بە داهاتی نەوتیش عەلی نزار ئاماژەی بەوە كرد، داهاتی نەوت راستەوخۆ لەو کۆمپانیا و لایەنانە وەردەگرین کە لێمان دەکڕن و هیچ دواکەوتنێک لە وەرگرتنی داهاتەکەدا نییە.

دەربارەی بڕی دیاریكراویش جەختی لەسەر ئەوە كردەوە، كە تاوەکو ئەمڕۆ هیچ بڕیارێکی یەکلاییکەرەوە لەسەر پرسی نەوتی هەرێمی کوردستان نەدراوە، بەڵام بەم نزیکانە رێککەوتنی کۆتایی دەکرێ و هەناردەکردنەوە دەستپێدەکاتەوە.

 سەبارەت بە فرۆشتنی نەوتی کەرکووک، بەڕێوەبەری گشتیی سۆمۆ دەڵێت، "مانگانە بەشێکی نەوتی کەرکووک هەناردەی ئوردن دەکرێ و نەوتی کێڵگەی گەیارەش لە نەینەوا لە رێگەی بەندەرەکانی باشوورەوە هاوشێوەی نەوتی بەسرە هەناردە دەکرێت."

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین