هەناردەکردنی چەکی تورکیا لە هەڵکشانی بەردەوامدایە ئابووری جیهان
قەبارەی هەناردەکردنی کاڵای سەربازی تورکیا لە چارەگی یەکەمی 2021ـدا، بەڕێژەی %47.7 بەرزبۆتەوە و زیاتر لە ملیارێک دۆلاری تێپەڕاندووە.

نوچەنێت

وەزارەتی بازرگانی و ناوەندی هەناردەکارانی تورکیا، دواین ئامارەکانی بەرهەمهێنان و هەناردەکردنی کاڵای سەربازی تورکیان بڵاوکردەوە و زیادبوونی قەبارەی ئەو بوارەیان لە چارەگی یەکەمی ساڵدا دووپاتکردەوە.

ئاستی هەناردەکردنی چەکی تورکیا لە کانوونی دووەم 166 ملیۆن و 997 هەزار دۆلار و لە شوبات 233 ملیۆن و 255 هەزار دۆلار، لە ئاداردا 246 ملیۆن و 973 هەزار دۆلار و لە کۆتاییەکانی نیساندا بڕی 302 ملیۆن و 549 هەزار دۆلار بووە، ئەمەش بە واتای بەرزبوونەوەی قەبارەی هەنردەکردنی چەکی تورکیا دێت بۆ زیاتر لە %47.7.

سەبارەت بە داهاتی وڵاتی تورکیا لە بواری سەربازی و فرۆکەوانی سەربازی، لە 642 ملیۆن و870 هەزار دۆلار بۆ زیاتر لە 949 ملیۆن و 744 هەزار دۆلار بەراورد بە ساڵی ڕابردوو بەرزبۆتەوە.

لە وڵاتە هاوردەکارە سەرەکییەکانی چەکی تورکیا، ئەمریکا لە ڕیزبەندی یەکەمدایە بە هاوردەکردنی زیاتر لە 386.1 ملیۆن دۆلار چەکی تورکی و زیادبوونی قەبارەی ئەو بازرگانییە بە ڕێژەی ٪56، هەروەها ئازەربایجان دووەم وڵاتە لە هاوردەکردنی بڕی 117ملیۆن و 315 هەزار دۆلار چەکی تورکیا، وڵاتی ئیماراتی ءعەرەبی ڕیزبەندی سێیەمی مسۆگەر کردووە بە هاوردەکردنی چەکی تورکیا بە بڕی 90ملیۆن و 299 هەزار دۆلاری ئەمریکی. 

هەرچی سەبارەت بە بەنگلادش و ئەڵمانییە، قەبارەی ئاڵوگۆری چەکی تورکیا لە نێوان ئەم دوو وڵاتەدا، 57مملیۆن و827 هەزار دۆلار  هەورەها 50 ملیۆن و 14 هەزار دۆلارە بە دوای یەکدا.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین