ئیسرائیل و یۆنان و قوبرسی باشوور هێزێکی سەربازیی هاوبەش دادەمەزرێنن
نوچەنێت
ئەمڕۆ پێنجشەممە (2025/12/18) ماڵپەڕی (تورکیا گەزەتە) بڵاوی کردەوە، بەگوێرەی ئەو زانیارییانەی لە میدیاکانی یۆنان و ئیسرائیل بڵاوکراوەتەوە، لەکاتێکدا تورکیا هەوڵی چەسپاندنی دەسەڵات و هێزی سەربازییە لە دەریای ناوەڕاست، بە فەرمانی بنیامین ناتانیاهۆ سەرۆک وەزیرانی ئیسرائیل کۆبوونەوەیەکی بەپەلە لەنێوان تۆمەر بار، فەرماندەی هێزی ئاسمانی ئیسرائیل لە نیکۆسیا لەگەڵ بەرپرسانی هێزی ئاسمانی یۆنان و قوبرسی باشوور بەڕێوەچووە بۆ دامەزراندنی لیوایەکی هاوبەش لە دژی فراوانبوونی دەسەڵاتی ئەنقەرە لە ڕۆژهەڵاتی دەریای ناوەڕاست.
بەگوێرەی زانیارییەکان لە ناوەڕۆکی کۆبوونەوەکەدا، باس لە فراوانبوونی دەسەڵاتی تورکیا لەڕۆژهەڵاتی ناوەڕاست و هاوکاری ستراتیژی نێوان هەر سێ وڵات و هەماهەنگی هێزەکانی ئاسمانی و ئاسایش تاوتوێ کراوە. هاوکات میدیای یۆنان رایگەیاندووە، کۆبوونەوەکە بەشێک بووە لە پرۆسەی دامەزراندی هێزێکی هاوبەش و خێراکردنی پەیوەندی سەربازی نێوان هەر سێ وڵات. سەبارەت بە شێوازی دامەزراندنی هێزە هاوبەشەکە باس لەوە دەکرێت، نزیکەی دوو هەزار و (500) سەرباز لە هێزەکەدا دادەمەزرێت وەک ئەوەی بەرنامەیان بۆ دانراوە، ئیسرائیل بە هەزار سەرباز، یۆنان بە هەزار سەرباز و قەبرسی باشوریش بە (500) سەرباز بەشدار دەبێت.
هەریەک لە یۆنان و ئیسرائیل پێیان وایە هەنگاوەکانی تورکیا لەم دواییانەدا لە ڕووی هێزی ئاسمانی و دەریایی و فڕۆکەی بێفڕۆکەوانی بۆتە هەڕەشە لەسەر پێگەکانیان لە ڕۆژهەڵاتی دەریای ناوەڕاست. چاودێرانی سیاسیش پێیانوایە دامەزراندنی ئەو هێزە فشار و ترسێکی زۆر بۆ سەر تورکیا دروست دەکات و دەسەڵاتی تورکیا لە ڕۆژهەڵاتی ناوەڕاست لاواز دەکات.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment