به‌رپرسێكى باڵاى هه‌واڵگریى عێراق كوژرا عێراق ناوچەکە و جیهان

نوچه‌نێت

به‌یانى ئه‌مڕۆ نبراس ئه‌بوعه‌لى به‌رپرسى هه‌واڵگرى له‌به‌شى ره‌سافه‌ى به‌غدا و یاریده‌ده‌رى به‌ڕێوه‌به‌ر له‌به‌شى چاودێریى هه‌واڵگرى عێراق، له‌ رۆژهه‌ڵاتى به‌غدا كوژراوه‌ و مسته‌فا كازمى سه‌رۆك وه‌زیرانى عێراق داواى ده‌ستپێكردنى لێكۆڵینه‌وه‌ى كردووه‌.

ماڵپه‌ڕى كه‌ناڵى عه‌ره‌بییه‌ بڵاویكردووه‌ته‌وه‌، به‌یانى ئه‌مڕۆ دووشه‌ممه‌ حه‌وتى حوزه‌یران نبراس ئه‌بوعه‌لى كه‌ پله‌كه‌ى عه‌قید بووه‌ له‌ رۆژهه‌ڵاتى به‌غدا له‌ نزیك ماڵه‌كه‌ى خۆى كوژراوه‌.

له‌ هه‌واڵه‌كه‌ هاتووه‌ نبراس به‌رپرسى به‌شى هه‌واڵگرى ره‌سافه‌ بووه‌ و یاریده‌ده‌رى به‌ڕێوه‌به‌رى به‌شى چاودێرى بووه‌. ئه‌وه‌ روونكراوه‌ته‌وه‌ به‌یانى ئه‌مرۆ له‌ كاتى گه‌ڕانه‌وه‌ى له‌لایه‌ن چه‌ند چه‌كدارێكه‌وه‌ ته‌قه‌ى لێكراوه‌ و كوژراوه‌.

سه‌رچاوه‌یه‌ك له‌ هه‌واڵگرى عێراق باسى له‌وه‌ كردووه‌، ئه‌و ئه‌فسه‌ره‌ كوژراوه‌ یه‌كێك بووه‌ له‌ پیاوه‌ ئازاكانى هه‌واڵگریی، خودى ده‌زگاى هه‌واڵگریش باسى له‌وه‌ كردووه‌ به‌ چه‌ك به‌رپه‌رچى هێرشبه‌رانى داوه‌ته‌وه‌ به‌ڵام له‌ ئه‌نجامدا تیرۆر كراوه‌.

ماڵپه‌ڕى كه‌ناڵى عه‌ره‌بییه‌ باس له‌وه‌ ده‌كات ماوه‌یه‌ك له‌مه‌وبه‌ر میلیشیاكان لیستى ناوى چه‌ند ئه‌فسه‌رێكیان بڵاوكردووه‌ته‌وه‌، بۆئه‌وه‌ى رووبه‌ڕووى مه‌ترسى بكرێنه‌وه‌.

له‌ هه‌واڵه‌كه‌ى باس له‌وه‌یش كراوه‌ مسته‌فا كازمى سه‌رۆك وه‌زیرانى عێراق كه‌ پێشتر به‌ڕێوه‌به‌رى ده‌زگاى هه‌واڵگرى بووه‌ داواى كردووه‌ لێكۆڵینه‌وه‌ له‌ تاوانه‌كه‌ بكرێت.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین