ئەحمەدی نەژاد : ژن برای خامنەیی پەیوەندی لەگەڵ ئیسرائیل هەبووە
نوچهنێت
ئەمڕۆ دووشەممە٢١ی حوزەیرانی ٢٠٢١، ئاژانسی هەواڵی "ئەلعەرەبیە فارسی" بڵاوی کردەوە، ئەحمەدی نەژاد وەک کاردانەوەیەک لە بەرانبەر بێڕێزیکردنێکی حەسەن خۆجەستە باقرزادە، ئێوارەی یەکشەممە لە نووسراوەیەکی کورتدا کە لە ماڵپەڕی دەوڵەتی بەهار بڵاو کرایەوە، نووسی: "پێدەچێت حەسەن خۆجەستە لە بیری چووە بۆ ماوەی دوو هەفتە، لەگەڵ خێزانەکەی، میوانی کۆمپانیایەکی ئیسرائیلی لە هیند بووە و لەوێش بڕیار دەدات لە گەشتی داهاتوودا، لە رێگای تورکیاوە سەردانی ئیسرائیل بکات".
پێشتر حەسەن خۆجەستە، برای هاوسەری عەلی خامنەیی وەک کاردانەوەیەک لە بەرانبەر باکۆتکردنی هەڵبژاردنەکانی سەرۆک کۆماریی لە لایەن ئەحمەدی نەژادەوە لە ئەکاونتی تویتەری تایبەت بە خۆی نووسیبووی ئەوانەی گوتیان دەنگ نادەین و پاڵپشتی هیچ کەس ناکەین، "حەرامزادەن".
سەرۆک کۆماری پێشووی ئێران لە درێژەی نووسینەکەیدا ئاماژەی بە چۆنیەتی لابردنی خۆجەستە لە پۆستەکەی کردووە و نووسیویەتی: "دوای ئەوەی من لەو دیدارەی خۆجەستە لەگەڵ ئیسرائیلییەکان ئاگادار کرامەوە و فەرمانم دا رێگری بکەن لە سەردانەکەی بۆ ئیسرائیل و لەو ئابڕووچوون و زەلکاوە رزگاری بکەن، لە سەرۆکایەتی رادیۆ وەلا نرا، بەڵام بە لەبەرچاوگرتنی بەرژوەندییەکان دۆسیەکەی داخرا. ئێستا کێ حەرامزادەیە؟"
حەسەن خۆجەستە لە نێوان ساڵانی ١٩٩٨ تا ٢٠١٤ سەرۆکی رادیۆی ئێران و یەکێک لە یاریدەدەرانی رێکخراوی دەنگ و رەنگی ئێران بوو و دەگوترێت ئێستاش یەکێکە لە بەرپرسانی میدیاکانی خامنەیی. محەمەد خۆجەستە، کوڕی حەسەن خۆجەستە بەڕێوەبەری ماڵپەڕی خامنەییە و کەمیل خۆجەستە یەکێکی تر لە منداڵەکانی حەسەن خۆجەستە بەڕێوەبەری ناوەندی "تبیان" سەر بە رێکخراوی پڕۆپاگەندەی ئیسلامییە کە یەکێکە لەو رێکخراوانەی لەژێر چاودێری رابەری کۆماری ئیسلامیدا چالاکی دەکات.
ئەحمەدی نەژاد ناوی خۆی وەک کاندیدی سەرۆک کۆماریی تۆمار کردبوو بەڵام لە لایەن ئەنجومەنی پاراستنی دەستوورەوە رەت کرایەوە. دوای ئەوە بە ئاشکرا رایگەیاند هەڵبژاردنەکان بایکۆت دەکات و پاڵپشتی هیچ کەس ناکات.
پێشتریش لە میانەی دیمانەیەکدا سەبارەت بە "تاقمێک گەندەڵ لە دامودەزگا ئەمنییەکان"دا گوتبووی " بهرپرسى دژه سیخوڕیی له ئێران سیخوڕى ئیسرائیل بوو". یوسی کوهێن، سەرۆکی پێشووی موسادیش لە میانەی دیمانەیەکدا لەگەڵ کەناڵی ١٢ی تەلەڤزیۆنی ئیسرائیل روو لە بەرپرسانی کۆماری ئیسلامیی گوتی: "هاوڕێیانی ئازیز، ئێمە دهسهڵاتمان خستووهته ناوتان".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment