Nuce Logo

بڵاوبوونەوەی تویژینەوەیەکی جیهانی لەبارەی بەکاربردنی کارەبای جیهانی، پێوەر و مەترسی تازەی بۆ ناوەندە جیهانیەکانی خستەڕوو.

ناوەندی توێژینەوەی Power Global ، توێژینەوەیەکی بە ناونیشانی “خستەنرووی واقیعی کارەبای جیهانی”، بڵاو کردەوە و رایگەیاند" خواستی جیهان بۆ کارەبا سەرجەم پێوەر وپێشبینیەکانی تێپەڕاندوون". هاوکات ئەنجامی توێژینەوەکە دووپاتیکردۆتەوە، کە بەرهەمهێنانی کارەبا لە وزەی خەڵووز ، بۆتە هۆی زیادبوونی بەرهەمهێنانی گازی دوانە ئۆکسیدی کاربۆن،

ئەم توێژینەوەیە کاری لەسەر وزەی کارەبای 63 وڵات کردووە، کە بەرپرسیارن لەبەرهەمهێنانی ٪87ــی کارەبای جیهان، گرنگتری دەرئەنجامەکانی ئەمانەن:

• بەراورد بە ساڵی 2020 و پێش بڵاوبوونەوەی پەتای کۆرۆنا، ئاستی بەکاربردنی کارەبا زیادیکرووە، ئەمەیش بۆتە هۆی زیادبوونی ڕێژەی پیسبوونی ژینگە بە رێژەی ٪12 لە ئەنجامی زیادبوونی بەرهەمهێنانی گازی دوانەئۆکسیدی کاربۆن.
• ڕێژەی بەکاربردنی کارەبا لە جیهاندا تەنیا لە شەش مانگی یەکەمی 2021 بە ڕێژەی ٪5 زیادیکردوو، ئەم ڕێژەیە بەراورد بە ساڵی رابردوو بە شیوەیەکی خێرا زیادی کردووە.
• هەرچەندە، وزەی بەرهەمهاتوو لە وزەی با و وزەی خۆر، تەنیا ڕێژەی ٪10.5ــی کارەبای بەرهەمهاتووی جیهانی پێکدە‌هێنن، بەڵام بەراورد بە جۆرەکانی تری وزە، بەرهەمهێنانی کارەبا لە وزەی پاک ڕوو لە زیادبوونە و بەروارد بە ساڵی 2015 بە رێژەی ٪5 زیادیکردووە.
• لە 10 ساڵی ڕابردوودا، بەرهەمهێنای وزەی کارەبا لە ڕێگەی وزەی  ناوەکی بە جێگری ماوەتەوە، ئەمەیش دوای ئەوەی رێژەیەکی کەمی وێستگەکانی وزەی ناوەکی لە دەرەوەی وڵاتی چین کراونەتەوە و بەشێکی تریش لە ولاتانی ئەورووپا داخراون.
• بەرهەمهێنانی کارەبا لە رێگەی وزەی خەڵووزەوە بە رێژەی ٪43 زیادکردووە و بەڵام بەرهەمهێنانی کارەبا لە رێگەی گازی سروشتی هیچ گۆڕانکاریەکی بەخۆیەوە نەبینیووە.
• هیچ وڵاتێکی جیهان نەیتوانیوە لە ڕێگەی وزەی دۆستی ژینگە کارەبای وڵاتەکەی بە تەواوی دابین بکات و زیادبوونی خواستی زێدەتری کارەبا، وڵاتان لە گەیشتن بەو ئامانجە تووشی بڕینی کاتی زیاتر دەکات.
• هەرچەندە بەشێک لە وڵاتانی، ئەمریکا، ئەورووپا، یابان و کۆریای باشوور، ڕێژەی بەرهەمهێنانی گازی دوانەئۆکسیدی کاربۆنی لە کارەبا بەرهەمهاتووە کەمکردۆتەوە، بەڵام رێژەکە کەمە و بۆ پێشبینی داهاتوو دڵخۆشکەر نین.
• ئەو وڵاتانەی زۆرترین خواستینا بۆ کارەبا هەبووە  لەسەردەمی کۆرۆنا تا نیەوەی یەکەمی 2021. چین، کازاخستان، مەنگۆلیا، پاکستان، ڤێتنام، بەنگلادش و هیندستانن، زۆرتری کارەبای بەرهەمهاتوو لە رێگەی وزەی خەڵووزەوە بووە.
• لە نێوان ساڵانی 2019 بۆ 2021، زیادبوونی خواست بۆ کارەبا لە وڵاتی چین بە رێژەی ٪14 زیادیکردووە ، هاوکات چین بۆ دابینکردنی کارەبای داواکراو، ڕێژەی ٪68 کارەبای لە رێگەی خەلووزەوە بەرهەمهێناوە و ٪29ــی لە ڕێگەی وزەی باو وزەی خۆر کارەبای تری بەرهەمهێناوە.
• زیادبوونی خواستی چین بۆ کارەبا لەو ماوەیەدا بە هەڵكشانی ٪90 بۆ خواستی کارەبا تۆمار دەکرێت و هەروەها زیادبوونی خواستی کارەبای وزەی جێگرەوە بە زیادبوونی ٪43 تۆمار دەکرێت.