توركيا: گوێ بە داواكانى ڕووسيا و ئەمەريكا نادەين تورکیە

نوچەنێت:

مەولوود چاوشئۆغلۆ، وەزيرى دەرەوەى توركيا هەوڵەكانى رووسيا و ئەمەريكا بۆ راگرتنى ئۆپراسيۆنى سەربازيى وڵاتەكەى لەناوخاكى سووريا رەت دەكاتەوە و راشيدەگەيێنێت، "ئەو ئۆپراسيۆنە كارێكى پێويستە."

ئەمڕۆ دووشەممە (چوارى تەمووزى 2022) ماڵپەڕى (ئاڕتى) بڵاويكردەوە مەولوود چاوشئۆغلۆ رايگەياند، "چەندين جار بێهيوايى خۆمان لە ڕاگرتنى هاوكارييەكانى ئەمەريكا بۆ يەكينەكانى پاراستنى گەل راگەياندووە، ئەو كارانەى دەيكەين ئەگەر پەيوەست بێت بە ئاسايشى نەتەوەيى وڵاتەكەمان، گوێ بەوە نادەين كێ قسە دەكات، توركيا لە چوارچێوەى ياساى نێودەوڵەتى چى بە پێويست بزانێت ئەوە دەكات."

لە بەشێكى ترى قسەكانى وەزيرى دەرەوەى توركيا ئاماژەى بەوە كرد، "رووسيا و ئەمەريكا مافى ئەوەيان نييە هيچ شتێك بە وڵاتەكەمان بڵێن، ئێمە لەو هەنگاوانەى رووسيا ناڕازين."

ئەمەريكا و رووسيا رۆڵى سەرەكييان لە سووريا هەيە، لەگەڵ دەستپێكى هەڕەشەى ئەنجامدانى ئۆپراسيۆنەكانى توركيا بۆ سەر باکوورى سووریا هۆشدارى دەدەنە ئەو وڵاتە هەنگاوى لەو جۆرە نەهاوێت.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین