ئيسرائيل داوا لە ئەمەريكا دەكات رێگرى لە هێرشەكانى توركيا بكات تورکیە

نوچەنێت:

بەرپرسانى ئيسرائيلى رايدەگەيێنن، "ئيسرائيل داواى لە ئەمەريكا كردووە رێگە نەدات ئۆپراسيۆنى سەربازى دژ بە هێزە كوردييەكانى باكوورى سووريا ئەنجام بدات."

ئەمڕۆ پێنجشەممە (21/تەمووز 2022) ماڵپەڕى (ئاڕتى) بڵاويكردەوە بەرپرسانى ئيسرائيل ئاشكرايان، حكومەتى ئيسرائيل نامەيەكى ئاڕاستەى ئەمەريكا كردووە، كە لەو نامەيە، داوا لە واشنتن كراوە فشار بخاتەسەر توركيا بۆ ئەوەى ئۆپراسيۆنە سەربازييەكانى دژ بە هێزە كوردييەكانى باكوورى سووريا ئەنجام نەدات. 

لەلايەكى ترەوە بەگوێرەى راپۆرتێكى ئيسرائيلى ئيال حۆلتا، راوێژكارى ئاسايشى نەتەوەيى ئيسرائيلى بە جيك سۆليڤان، راوێژكارى ئاسايشى نەتەوەيى ئەمەريكا رايگەياندووە، "هەر هێرشێكى نوێى توركيا بۆ سەر باكوورى سووريا زيانى زۆر لە كوردەكان دەدات." 

بەرپرسێكى ئيدارەى ئەمەريكاش رايگەياندووە، "ئۆپراسيۆنى توركيا لە باكوورى سووريا لێكەوتەى مەترسيدارى مرۆيى دەبێت، هەروەها مەترسيش بۆ سەر بەرەنگاربوونەوەى ئەمەريكا دژ بە رێكخراوى تيرۆرستى داعش لە سووريا دروست دەكات."

لە كۆتايى مانگى رابردوو جۆ بايدن، سەرۆكى ئەمەريكا هۆشدارى دايە رەجەب تەيب ئەردۆغان، ئۆپراسيۆنى نوێ دژ بە رۆژئاواى كوردستان ئەنجام نەدات.

لە مانگى ئايارى ئەمساڵ ئەردۆغان بڕيارى ئۆپراسيۆنێكى نوێى دژ بە رۆژئاواى كوردستان رايگەياند، تا ئێستا زۆربەى وڵاتانى ناوچەكە و جيهان دژ بەو ئۆپراسيۆنەن.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین