تایبەتمەندی سیاسەتی دەرەوەی توركیا لەنێوان دەسەڵات و ئۆپۆزسیۆن بیروڕا
لەگەڵ هەنگاونان بەرەو نزیكبوونەوەی هەڵبژاردنی ساڵی داهاتوو، پارتە سییەكان پڕۆژە و بەرنامەی خۆیان دەخە ڕوو، سیاسەتی دەرەوە یەكێك لە پرسە گرنگەكانی نێوان دەسەڵات و ئۆپۆزسیۆن، ئۆپۆزسیۆن بەردەوام رەخنە لەو سیاسەتی دەرەوە دەگرێت، دەسەڵاتیش شانازی پێوە دەكات.

لەگەڵ نزیكبوونەوەی هەڵبژاردنەكانی ساڵی داهاتوو لە توركیا سیاسەتی دەرەوەی ئەو وڵاتە یەكێك دەبێت لە ئەجێندا سەرەكییەكان، ئەوەش دوو هۆكاری سەرەكی هەیە:

یەكەم هاوپەیمانی ئومەت كە نوێنەرایەتی ئۆپۆزسیۆن دەكات بەردەوامە لە رەخنەگرتن لە سیاسەتی دەرەوەی حكومەتی توركیا، زۆرجاری رادەگەیێنت، "ئەگەر بگاتە دەسەڵات جێگرەوەی بۆ سیاسەتی ئێستای دەرەوەی توركیا هەیە."

 دووەم ئەو ژینگەیەی سیاسەتی دەرەوەی تێدا جێبەجێ دەكرێت تا دەگاتە هەڵبژاردنەكان زۆر چالاك دەبێت، بۆیە كاتێك پێمانوایە یەكێك لە گوتارەكانی ئاكپارتی لەسەر ئاستی سیاسەتی دەرەوە بونیاد دەندرێت، چونكە ئەگەر هەیە ئەو سیاسەتە هەڵگری سێ ناونیشانی گرنگ بێت بۆ هەڵبژاردنەكانی ساڵی داهاتوو.

سیاسەتی ئاكپارتی بە چوار قۆناغ تێپەڕی

لە واقیعدا دۆسیەی ئابووریی و پەنابەران پێگەی لەپێشینەیان هەیە، بەڵام دەكرێت تێبینی ئەوە بكرێت سیاسەتی دەرەوەی توركیا بایەخی زیاتری بۆ هەڵبژاردنەكان هەیە، چونكە ئەو دوو دۆسیە تا زۆر پەیوەستن بە سیاسەتی دەرەوە.

لەگەڵ نزیكبوونەوەی ساڵی داهاتوو چەندین پرسیاری گرنگ هەیە پێویستی بە وەڵامدانەوە هەیە، كە ئاكپارتی چ جۆرە دیدگایەكی بۆ سیاسەتی دەرەوەی پەیوەست بە هەڵبژاردنەكان هەیە؟ سیاسەتی دەرەوەی حكومەت لەسەر ئاستی كردەیی لە ئاستی نێودەوڵەتی كە بە قۆناغێكی سەختدا تێدەپەڕێین جێبەجێی دەكات؟

جۆری ئاوێتەبوون لەنێوان سیاسەتی دەرەوەی ئێستا و كاتی هەڵبژاردن چۆن دەبێت؟ لەو قۆناغە چ جۆرە ململانێیەك دەردەكەوێت، چۆن  سیاسەتی دەرەوەی ئاكپارتی و هاوپەیمانی گەل لە شەش پارتە ئۆپۆزسیۆنەكە ئەو جیا دەبێتەوە.

چ جۆرە دیدگایەكی سیاسەتی دەرەوە؟ چ جۆرە گوتارێكی جیپۆلۆتیكی؟

بۆ تێگەیشتن لە دیدی سیاسەتی دەرەوەی ئاكپاری دەبێت بۆ (20) ساڵی رابردوو بگەڕێینەوە، كاتێك سەیری (20) ساڵی رابردووی ئەو پارتە دەسەڵاتدارە دەكەین، دەتوانین بڵێین، "گۆڕانكاری گرنگ لە گوتاری سیاسەتی دەرەوەی روویداوە، كە دەكرێت سیاسەتی دەرەوە بە سەركرایەتی حكومەتەكانی ئاكپارتی و ئەردۆغان بۆ چوار تەوەی گۆڕانكاری و بەردەوامی دابەش بكەین.

قۆناغی یەكەم، (2002-2007) دوو دەستپێشخەری لە یەك كاتدا، هەوڵی یەكەم گێرانەوەی پەیكەری دیدگای كلاسیكی لە سیاسەتی دەرەوە، كە لەسەر بنەمای ئەندامبوون لە یەكێتی ئەوروپا لە میانەی بایەخی سەرەكی بۆ پەیوەندییەكان بوو لەگەڵ رۆژئاوا، لە كاتێدا دووەم قۆناغ خۆگونجاندنی توركیا بوو لە چوارچێوەی دۆخی سیستەمی نێودەوڵەتی.

قۆناغی دووەم، لە (2007-2011) ئاكپارتی دەستی بە بەهێزكردنی دەسەڵاتەكانی خۆی لە دروستكردنی بڕیار لە سیاسەتی دەرەوە  و دووبارە بیادنانەوەی سیاسەتی دەرەوە بوو لەسەر ئاستی هەرێمی و نێودەوڵەتی، لەو قۆناغە دیاریكراوە كارەكانی بریتی بوو لە رێگەخۆشكردنی سیاسەتی دەرەوە، لەم ڕووەوەی هەوڵی دەدا توركیا وەك هێزێكی سەربەخۆ لە سیستەمی نێودەوڵەتی جێگە بكاتەوە، ئەوەش لە پێناو چەسپاندنی ئامانجە ستراتیژییەكانی بوو.

قۆناغی سێیەم لە (2011-2016) دەستپێكردنی راپەڕینەكانی وڵاتانی عەرەبی بوو، ئەوەش بە شێوەیەكی سەرەكی كاریگەری لەسەر سیاسەتی دەرەوە و پاڵنەرەكانی هەبوو، لە قۆناغی یەكەمی راپەڕینەكان توركیا ئامادەیی ئەوەی هەبوو سەركردایەتی گۆڕانكاری نوێی ئەو ناوچەیە بكات، ئەوەش لەو چوارچێوەیەی خۆی وەك یەكێك لە ئەو وڵاتانە دادەنا كە دەتوانن سیاسەتی ناوچەیی داڕێژنەوە، لە قۆناغی دوایی پێویستی دەكرد لە رووی ستراتیژی و تاكتیك مامەڵە لەگەڵ ئاڵنگەرییە جددییەكانی سیاسەتی دەرەوە بكات، ئەوەش بەهۆی پێویستی دارایی بوو بۆ بەدەستهێنانی ئامانج و پەرەسەندنی ناوخۆیی بوو لە سیاسەتی ناوچەیی.

ئەو دۆخە بەردەوامی پێوە دیار نەبوو، لە كاتێدا توركیا دەستی بە هەنگاوەكان كردبوو، بەو سیفەتەی لەسەرەتای راپەڕینەكان لایەنێكی كارایە سەركردایەتی پڕۆسەی گۆڕانكاری دەكات، گۆڕانكارییەكانی میسڕ و سووریا بۆ قووڵبوونەوە لە قەیرانی دەرەوە گۆڕا.

 قۆناغی سێیەم، گۆڕانكاری، مایەی سەرسوڕمان بوو چۆن جەنگی ناوخۆیی سووریا بۆ پڕۆسەی سیاسەتی دەرەوە و ئاسایشی توركیا گۆڕا، یەكێك لە ئەنجامە سەرەكییەكانی جەنگی ناوخۆی سووریا كاریگەرییەكانی بوو لەسەر سیاسەتی دەرەوە و ئاسایشی توركیا، دۆخی سووریا ئاسایشی نەتەوەیی توركیا و پەیوەندییە ناوچەییەكان و پەیوەندییەكانی لەگەڵ ئەمەریكا خستە مەترسییەوە.

قۆناغی چوارەم، لە (2016-2022) راستەوخۆ دوای هەوڵی كودەتاكەیە لە توركیا، لە سایەی دەسەڵاتی ئاكپارتی لە توركیا زۆربەی گۆڕانكارییە ریشەییەكان لە سیاسەتی درەوە روویدا. 

لەو سۆنگەیەوە توركیا دەستی بە ئۆپراسیۆنە سەربازییەكان لە سووریا كرد، بەتایبەت لەسەر سنوورەكانی سووریا بۆ رێگری لە چالاكییەكانی رێكخراوی تیرۆرستی داعش و پارتی كرێكارانی كوردستان/یەكینەكانی پاراستنی گەل و رێگری توركیا لە ئابڵووقەی سەر قەتەر و پاڵپشتی سەربازی حكومەتی لیبیا و جەنگی كەرەباخ و دواینیان جەنگی رووسیا و ئۆكراینایە كە توركیا لە سیاسەتی دەرەی لەژێر سەركردایەتی ئەردۆغان ۆڵێكی تایبەتی هەیە.

قۆناغی چوارەمیش قۆناغی قەیرانی پەیوەندییەكانی نێوان توركیا و ئەمەریكا بوو، زۆر بەخێرایی توركیا و رووسیا لێكنزیك بوونەوە (كڕینی سیستەمی مووشەكی بەرگری ئێس 400) لەو چوارچێوەیە بوو، ئەنقەرە و واشنتن لە سووریا دوو ئاڕاستەی جیاوازیان هەبوو، سیاسەتی دەرەوەی توركیا تووشی راچڵەكینی نوێ بوو، بە شێوەیەكی سەرەكیش بەهۆی قەیرانی سووریا بوو، كە پێویست بوو لە دیدگایەكی بەرەو شەپۆلی ئاسایش چارەسەر بكرێت. 

بەراورد بە قۆناغی راپەڕینەكانی وڵاتانی عەرەبی لادانانی زۆر لە سیاسەتی نوێی دەرەوەی  هەبوو، بەردەوامیش پارێزگاری لە ئامانجە سیاسیەكانی قۆناغی پێشووی دەكرد، بەڵام سیاسەتی دەرەوەی ئاكپارتی وەك پڕۆ سەی بونیادنان و چاكسازی لە قۆناغی یەكەم گەشەی كرد، خەبات و قووڵبوونەوە لە قۆناغی دووەم، شۆڕش و سەربەخۆیی لە قۆناغی سێ و چوار.

گوتاری جیپۆلۆتیكی، لە ساڵانی (2002 و 2011) لەسەر بنەمای دیموكراسی، لە (2011 و2016) لەسەر تێكۆشان بوو، لە ساڵی (2016) ملكەچی پیداچوونەوە بوو، ململانێی وتار و پراكتیكی سەبارەت بە بەهاری عەرەبی بووە هۆی دەستبەرداربوونی لە گوتاری جیپۆلۆتیكی، كە دەمارگیری ناوچەیی هاوبەشی لە سیاسەتی دەرەوەی توركیا لە قۆناغی ئاكپارتی دروستكرد.

لە لایەكی ترەوە ئاكپارتی و توركیا زۆر توند بوون بەرەو رۆژئاوا بۆ خێراكردنی زمانی جیپۆلۆتیكی لەگەڵیان، ئەوەش بووە هۆى دەركەوتنى گوتارى جيپۆلۆتيكى، كە لەسەر بنەمای هێشتنەوەى كێشەى نەتەوەيى بونيادنرا بوو، بەم جۆرە زمانى جيپۆلۆتيكى لەگەڵ رۆژئاوا تێكهەڵكێش بووە، لە پێش (2016) بابەتى ليبراڵى و ديموكراسى كە لە سەر رەخنە دژ بە رۆژئاوا بونيادنرابوو، ئەو دەيدە بۆ ديدى رۆژئاوا وەك بەشێك لە ئارێشەى مانەوە گەشەى كرد. 

فۆرمەكانى جيپۆلۆتيكى نوێ لە چوارچێوەى قەيرانەكانى رێكخراوى خزمەتى سەر بە فەتحوڵا گولەن و پارتى كرێكاران و سووريا دەركەوت، بە واتايەكانى تر ئەو فۆڕمە نووێيە لەسەر گوتارى مانەوە وەك بەشێكى دانەبڕاو لە ديدى سياسى ئاكپارتى لەناوە و دەرەوە رۆڵى دەبينى.

بەشێوەيەكى گشتى ئەو دۆخە لە گوتارى جيپۆليتكى بووە لاوازكردنى پڕۆژەى ليبراڵى نێودەولەتى و بەهێزكردنى زمانى واقيع، سياسەتى دەرەوە لەسەر تەوەرەى خەبات هەنگاوى دەنا.

لە ساڵى (2021 و 2022) هەرچەندە دۆسيەى ئەمنى خاڵى سەرەكى بوو، بەڵام جووڵەى ئاساييكردنەوە لە توركيا تەنيا لەسەر يەك ناوچە نەبوو، بەڵكو رۆڵى گرنگى لە دەستەبەكردنى ئاسايش و زاڵبوون بەسەر مەترسييە جيپۆلۆتييەكان هەبوو. 

ئامادەسازى بۆ ململانێى هێزە جيهانييەكان

لەگەڵ نزيكبوونەوەمان لە هەڵبژاردنەكانى ساڵى داهاتووە، ديدگاى ئەو سياسەتەى دەرەوە كە پێويستە ئاكپارتى و هاوپەيمانى گەل بەردەوامى پێ بدەن بۆ گۆتارى گۆڕينى ژينگەى جيپۆلۆتيكى كە لە دواى ساڵى (2016) لەگەڵ ئەوەشدا بنەماى سەرەكى كە پێويستە ببێتە بڕبڕەى گوتارى جيپۆلۆتيكى هاوپەيمانى نابێت لەسەر مانەوە بێت، بەڵكو پێويستە بە رێگەيەك بێت، بەشێوەيەكى كارا توركيا بخاتە چوارچێوەى سيستەمى گۆڕاوى نێودەوڵەتى، چونكە گوتارى مانەوە توركيا لە سياسەتى بەرگرى دەرەوە قەتيس دەكات، ئەوە جگە لەوەى فشارەكان لە دژى توركيا زياد دەكات. 

سەربەخۆيى

يەكێك لەو تايبەتمەندييە جياوازانەى گۆڕانكارى سيستەمى نێودەوڵەتى پێ وەسف دەكرێت گەڕانەوەى كێبڕكێى هێزە گەورەكانە، ئەو كێبڕكێيە ململانێيەكى جيهانییە لەسەر هێزە، كە لەنێوان چين و رووسيايە لەگەڵ ئەمەريكا، ئەگەرى بەهێزيش ئەوەيە قووڵ بێتەوە، دەكرێت كێبڕێكى هێزى نوێ لەسەر مەبەستى پارێزگارى لە باڵادەستى ستراتيژى رۆژئاوا بنياد بندرێت و رێگرى لە هەژاندنى لەلايەن چينەوە وەك فۆڕمێكى جەمسەرى سيستەمى نێودەوڵەتى  بكات.

دەسەڵات و ئۆپۆزسیۆن لە توركیا بایەخ بە سیاسەتی دەرەوە دەدەن

دوانەیی جەمسەرگيرى نوێ كە ئەگەر هەيە لە نێوان (چين و ئەمەريكا) بێت، یاخود فرەیی بێت لە چەند ساڵى داهاتوو دەبێتە هۆكاری گۆڕانكارى ريشەيى، لە هەردوو ئەگەرەكەدا پێويستە بەردى بناغەى سياسەتى دەرەوەی توركيا قووڵكردنەوەى ستراتيژيەتى سەربەخۆيى بێت، كە بە واتاى ئەوە دێت توركيا تواناى مانەوەى لەسەر پێى خۆی هەیە، لە كاتى پێويست بە تەنيا بۆ زاڵبوون بەسەر هەڕەشەكان مامەڵە  بكات، ئەوەش بەم واتايە نييە توركيا سياسەتەكانى داڕێژێتەوە بە جۆرێك بێت وەك بەشێك لە رۆژئاوا، ياخود يەكێك لە هاوپەيمانە دژەكان، بەڵام سەربەخۆيى گشتگير دەكرێت ئەو سياسەتانە دروست بكات، ياخود كاريگەرى هەبێت، سەربەخۆيى سياسەت نييە، بەڵكو واتا بەدەستهێنانى ئەو توانايانە جووڵەكان بەشێوازێكى نەرمتر دەڕەخسێنێت، لەم ڕووەوەى قووڵكردنەوەى هێزى ئابوورى و سەربازى پيشەسازى/تەكنەلۆژى يەكێكە لەو بوارانەى پێويستى تواناى زياتر هەيە لە پێناو گەشەپێدانى ئەو توانايە، بۆيە پێويستە ديزاينى سياسەتى دەرەوە لەسەر بنەماى رەگەزە مادييەكان بێت، لەبرى ستراتيژييەتى گوتارسازى.

نەرمینواندن

گۆڕانكارى لە سيستەمى جيهانى وا پێويست دەكات توركيا ستراتيژيەتێكى نەرمتر لە سياسەتى دەرەوە پەيڕەو بكات، پێويستيشە تێگەيشتن لەو نەرمييە لەسەر بنەماى مەرجى مامەڵەكردن بێت، كە ئازادى بۆ بڕياردان و مامەڵەكردن لە سياسەتى دەرەوە فەراهەم بكات، ئەو نەرمييە لە چوارچێوەى مامەڵەكردن لەگەڵ لە پێشينەكانى سياسەتى دەرەوە، وەك هەڵوێستێكى سياسى بەرانبەر ئەوى دەكرێت ئەوەى ناكرێت رووبدات، هاوشێوەى ئەو هەڵوێستە سياسييە هاوپەيمانييەكان بە بەردەوامى نابيندرێت، هەروەك كێبڕكێى ياخود دوژمنكارى هەميشەيى نييە، بەڵكو ئەو هەڵوێستە سياسەتى دەرەوە بۆ هاوكارى لە پێناو كەمكردنەوەى مەترسيەكان دەكاتەوە، هەروەك ئەو نەرمييە لە تێچووى سياسەتى دەرەوە لە كاتى قەيرانەكان كەمدەبێتەوە، لەگەڵ ئەو گۆڕەپانەى ئاشكراى دەكات.

مۆركی بەدامەزراوەيیكردن بۆ ئاساييكردنەوە

هەرچەندە لە سيستەمى نێودەوڵەتى ململانێی گۆڕانكارى سيستەمى جيهانى هۆكارە بۆ دروستكردنى ژينگەيەكى جيپۆليتيكى، بەڵام پێويستە لە بازنەيەكى فراوانترى رۆژهەڵاتى ناوەراست سەيرى پڕۆسەى ئاساييكردنەوە بكەين كە دەرفەتێكە بۆ توركيا، بۆيە پێويستە توركيا مۆركى بە دامەزراوەییكردن بۆ پڕۆسەى ئاساييكردنەوەی لە گوتارى سياسى دەرەوەى لە هەڵبژاردنەكانى ساڵى داهاتوو زياد بكات.

هەرچەندە پڕۆسەى ئاساييكردنەوەى نەخشەرێگەيەكى گشتگيرى بۆ چارەسەكردنى كێشەكانى رۆژهەڵاتى ناوەڕاست دروست نەكرد، بەڵام بەردەوامى بە درێژايى ساڵى داهاتوو توركيا دەكاتە وڵاتێك لە گۆڕانكارى لە دەوڵەتێكى پاڵپشت و هاندەر بۆ چارەسەرەكردنى زۆربەى كێشەكان بەتايبەت سووريا لە دواى هەڵبژاردنەكان.

لە لايەكى ترەوە قووڵكردنەوەى توانا مادييەكان لە چوارچێوەى سەربەخۆيى توركيا دەگۆڕێت بۆ هێزێكى سەرەكى لەو ناوچەيە، ئەوە جگە لە قووڵكردنەوە و بەردەوامى پڕۆسەى ئاسايكردنەوە زمينەيەك دەڕەخسێنێت بۆ گێڕانەوەى ئاڕاستەى ستراتيژى توركيا.

فەرناوچەيى

هەرچەندە بە دامەزراوەييكردنى سەربەخۆيى و نەرمى و ئاساييكردنەوە، پێويستە (فرە هەرێمى) بنەمايەكى ترى سياسەتى دەرەوەى توركيا بێت، چونكە ئەو فرە هەرێمييە لە بەدامەزراوەييكردن دەبێتە فرەيى لە ميكانزمى سياسى و ئابوورى بۆ سياسەتى دەرەوە، لەم ڕووەوەى كاريگەرى لەسەر سيستەمى نيمچە هەرێمى لە كيشەوەريى ئەفريقيا بۆ فەرە هەرێمى لە لە سياسەتى دەرەوەى توركيا دەبێت، بە هەمان شێوە سياسەتى دەرەوەى توركيا بە ئاڕاستەى ئاسيا بە هەموو هەرێمە لاوەكييەكان بايەخى گرنگى بۆ زيادكردنى سەربەخۆيى سياسەتى دەرەوەى توركيا هەيە.

خواستى چاكسازى جيهانى

تا ئێستا سيستەمى جيهانى بەتايبەت نەتەوە يەكگرتووەكان بايەخى سەرەكى بۆ توركيا هەيە، كە داوا چاكسازى لەو رێكخراوە دەكات، كە بە يەكێك لە تايبەتمەندييەكانى سياسەتى دەرەوەى ئاكپارتى دادەندرێت، كە لە پڕبایەخترین ميكانزم و بوارەكانە، چونكە ئەگەر هەیە وێنەى توركيا لە سيستەمى نێودەوڵەتی قووڵ بكاتەوە، بەڵاملەبرى بايەخدان بە ئەنجوومەنى ئاسايشى سەر بە نەتەوە يەكگرتووەكان، پێويستە چاكسازى لە بنەماكانى سياسەتى و ئابوورى ئاسايشى سيستەمى جيهانى بكرێت.

لیبیا كێشەیەكی سەرەكییە بۆ توركیا

لەو چوارچێوەيە، گۆڕینی خواستى چاكسازى بۆ نەخشەرێگەيەكى گشتگير لەگەڵ لايەنەكانى تر كە داواى چاكسازى و گۆڕینی بۆ خواستێكى جيهانى كردووە، كە كار لەسەر بەدامەزراوەييكردنی هەوڵەكانى توركيا بۆ چاكسازى و بەهێزكردنى سەركردەكردايەتى ئەو پڕۆسەيە دەكەن.

مەترسييەكان

هەڵبژاردنەكانى ساڵى داهاتوو دەبێتە خاڵى گۆڕانكارى لە زۆر لايەنى سياسەتى دەرەوەى توركيا، بەڵام پێويستە جەخت لەسەر ئەوە بكرێتەوە، هەندێك مەترسى لە سياسەتى دەرەوە لە قۆناغى پێش هەڵبژاردنەكان بكرێتەوە، لەو بارەوە مەترسى گەورە كاريگەرى بايەخى زياترى لە بەردەوامى نادڵينيايى لە دەستوەردانى رووسيا لە ئۆكراينا هەيە، هەرچەندە درێژبوونەوەى ماوەى ئەو جەنگە ئەو دەرفەتەى دايە توركيا رۆڵى هاوسەنگى ببينێت، بەڵام رووسيا لە رێگەى فراوانكردنى ئەو جەنگە دەسەڵاتى خۆيى بەسەر ئەو ناوچەيە قووڵ دەكاتەوە، ئەوەش دەبێتە دروستكردنى زەمينەيەكى ئاڵۆز لە پەيوەندييەكانى نێوان رۆژئاوا و رووسيا، كە بۆ توركيا قورس دەبێت پارێزگارى لە سياسەتى ئێستاى بكات.

مەترسيەكى تر بريتييە لە بەرەوپێشچوونى رووداوەكانى داهاتوو لە سووريا، هەرچەندە پێشنييەكانييەكان لەسەر ئۆپراسيۆنى نوێى سەربازى لە توركيا لە سووريا چاوەڕوانكراو بوو، بەڵام دواخستنى ئەگەرى هەيە ببێتە دواكەوتنى گەڕانەوەى ئاوارەكان، كە وەك يەكێك لە نەخشە گرنگەكانى كارى سياسەتى دەرەوەى توركيا بوو، ئەوەش دەبێتە دۆسيەكى پێچەوانە لە دژى هاوپەيمانى گەل.

لە لايەكى ترەوە كێشەكانى ليبيایە، چونكە ئەگەر هەيە دەستوەردانى تر لەو ململانێيە بكات، توركيا رووبەڕووى بەربەست بكاتەوە، هەر لەو چوارچێوەيە ئاڵۆزييەكانى توركيا و يۆنان لە رۆژهەڵاتى ناوەند و دەرياى ئيجە زياد دەبێتەوە، قۆناغێكى نوێ لە ئاڵۆزى سياسەتى دەرەوە روودەدات، هەرچەندە هيچ ئاسۆيەك بۆ ئاساييبوونەوەى گشتگيرى پەيوەندييەكانى نێوان توركيا و رۆژئاوا لەو قۆناغە ديار نييە، بەڵام دەكرێت بگوترێت قۆناغى قەيرانە چاوەڕوانكراوەن و خۆپاراستنى رۆژئاوا هاوشێوەى دۆخى پەيوەندييەكانى توركيا و ئەمەريكا دەبێت.

لە هەموو بوارەكانى ترى سياسەتى دەرەوە ئاوێتەبوونێكى چڕتر لە نێوان سياسەتى ناوخۆيى و دەرەووە لە هەڵبژاردنەكانى ساڵى داهاتوو هەيە، ئەو كەسەى ئەو ئاوێتەبوونە زۆر بە باشى بەڕێوە دەبات واى داناوە چيرۆكى داهاتووى توركيا هەميشە لە پێشەوە دەبێت. 

نووسينى: موڕاد یەشیل تاس، لێكۆڵەری سیاسی و نووسەر، مامۆستا لە زانكۆی مەڕمەڕە بەشی زانستە سیاسییەكان و پەیوەندی نێودەوڵەتی.

وەرگێڕانى: ئيسماعيل تەها

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین