په‌یامی بارزانی له‌باره‌ی هێرشه‌كه‌ی كوڵه‌جۆ و ته‌قینه‌وه‌كانی كه‌ركوك

0

نوچه‌

سه‌رۆك بارزانی، په‌یامێكی له‌ باره‌ی هێرشه‌كه‌ی شه‌وی رابردووی شارۆچكه‌ی كوڵه‌جۆ و ته‌قینه‌وه‌كانی ئه‌مڕۆی كه‌ركوك بڵاوكرده‌وه‌.

سه‌رۆك بارزانی له‌ په‌یامه‌كه‌یدا، سه‌ره‌خۆشی له‌ كه‌سوكاری شه‌هیده‌كان ده‌كات، كه‌ به‌ڕێوه‌به‌ری ئاسایش و دوو كارمه‌ند شه‌هید بوون، له‌ ته‌قینه‌وه‌كانی كه‌ركوكیش ژماره‌یه‌ك هاووڵاتیی برینداربوون.

سه‌رۆك بارزانی له‌ په‌یامه‌كه‌یدا ڕایده‌گه‌یه‌نێت، ئەم پەلامارانە ئاماژەن کە ڕێکخراوی تیرۆریستیی داعش خەریکی خۆڕێکخستنەوەیە و هێشتا هەڕەشەیە بۆ سەر ئاسایش و سەقامگیری.

ده‌قی په‌یامه‌كه‌:

“بەناوی خودای بەخشندە و میهرەبان

شەوی ڕابردوو، تیرۆریستان هێرشیان کردۆتەوە شارۆچکەی کوڵەجۆی سەر بە کفری، بەو هۆیەشەوە بەڕێوەبەر و دوو کارمەندی ئاسایشی ئەو شارۆچکەیە شەهیدبوون و چەند کارمەندێکیش بریندار بوون. هەروەها ئەمڕۆ چەند تەقینەوەیەک لە کەرکووک ڕوویان دا و بووە هۆی برینداربوونی چەند هاووڵاتییەك.

پرسە و سەرەخۆشیی خۆمان ئاراستەی کەسوکاری شەهیدەکان دەکەین و هیوای چاکبوونەوەی خێرایش بۆ بریندارەکان دەخوازین. ئەم پەلامارانە ئاماژەن کە ڕێکخراوی تیرۆریستیی داعش خەریکی خۆڕێکخستنەوەیە و هێشتا هەڕەشەیە بۆسەر ئاسایش و سەقامگیری.

ڕیشەکێشکردنی تیرۆر، و پێویستی بە هەماهەنگیی زیاتری نێودەوڵەتی هەیە، هەروەها بۆ نەهێشتنی هەڕەشەی تیرۆریستان بۆ سەر دانیشتوانی ناوچە کوردستانییەکانی دەرەوەی ئیدارەی هەرێم، پێویستە حکوومەتی هەرێم و بەغدا، هەنگاوی خێراتر بنێن بۆ هەماهەنگیی ئەمنی و سەربازی لەو ناوچانە.

مسعود بارزانی

٣٠ـی١١ـی٢٠١٩”

Share.

About Author

بوچون نوسین داخراوە.

Social Media Auto Publish Powered By : XYZScripts.com