تیلێرسۆن: ترەمپ پابەندی پرۆسەی ئاشتی لە رۆژهەڵاتی ناوەڕاست دەمێنێتەوە

0

نوچەنێت-سکای نیوز

وەزیری دەرەوەی ئەمریکا دەڵێت، سەرۆکی وڵاتەکەی پابەندی پرۆسەی ئاشتی لە رۆژهەڵاتی ناوەڕاست دەمێنێتەوە و ئیدارەی ترەمپیش بەم ئاراستەیە لە هەوڵەکانی بەردەوام دەبێت.

دوابەدوای کاردانەوەکان بەرامبەر بە گواستنەوەی باڵیۆزخانەی ئەمریکا لە تەلئەبیبەوە بۆ ئۆرشەلیم (قودس)، رێکس تیلێرسۆن، وەزیری دەرەوەی ئەمریکا، هەرجۆرە لێدوانێکی لەم بارەوە رەتکردەوە و گوتی: بە رێزەوە دەڕوانمە ئەم بڕیارە و نامهەوێ بەر لەوەی سەرۆک ترەمپ بڕیاری کۆتایی خۆی رابگەیەنێ، هیچ لێدوانێک بدەم.

تیلێرسۆن جەختیشی کردەوە، کە ترەمپ پابەندی پرۆسەی ئاشتی لە رۆژهەڵاتی ناوەڕاست دەمێنێتەوە.

سەرۆکی دەزگای دیپلۆماسی ئەمریکا دەربارەی سوریا گوتی: بەلامانەوە گرنگە، تا ئەو کاتەی بەشار ئەسەد لە دەسەڵات ماوەتەوە، لە پێناو چارەسەری قەیرانی ئەم وڵاتە بەشداری گفتوگۆکان بێت.

هەر لەم بارەیەوە، تیلێرسۆن گوتی: داوامان لە مۆسکۆ کردووە، کە شاندی دەوڵەتی سوریا هان بدات، کە بەشداری لە گفتوگۆکانی پەیوەست بە چارەسەری قەیرانی سیاسی سوریا بکەن.

Share.

About Author

بوچون نوسین داخراوە.

Social Media Auto Publish Powered By : XYZScripts.com