یەکێتی، کاندیدی یەکلاکەرەوە بۆ پۆستی پارێزگاری کەرکوك دیاری دەکات

0

 نوچەنێت: تایبەت

ئەندامێکی یەکێتی لە ئەنجومەنی پارێزگای کەرکوك، رایدەگەیەنێت، حیزبەکەی رزگار عەلی وەکو کاندید، بۆ پۆستی پارێزگاری کەرکەك یەکلایی کردووەتەوە.

لە دوای روداوەکانی ١٦ی ئۆکتۆبەر، پۆستی پارێزگاری کەرکوك، کە لەپشکی یەکێتی نیشتمانی کوردستان بووە، تائێستا لەلایەن ئەو حزبەوە پڕنەکراوەتەوە، یەکێتی پێداگرە لەسەر ئەوەی کە رزگار عەلی، بۆ وەرگرتنی ئەو پۆستە کاندید بکات. بەپێی زانیاریەکان پارتی دیموکراتی کوردستان داوادەکات، خالید شوانی کاندید بێت بۆ پۆستی پارێزگاری کەرکوك.

لە لێدوانێکی تایبەت بەنوچەنێت، ئەحمەد عەسکەری ئەندامی لیستی برایەتی لە ئەنجومەنی پارێزگای کەرکوك، لە بارەی پۆستی پارێزگاری کەرکوك رایگەیاند”پۆستی پارێزگاری کەرکوك، مافی یەکێتی نیشتمانی کوردستانە، بۆ ئەو مەبەستەش یەکێتی رزگار عەلی، وەکو کاندید بۆ وەرگرتنی ئەو پۆستە یەکلایی کردووەتەوە، بەڵام تاکو ئێستا  بەهۆی تەواو نەبوونی رێژەی یاسایی کۆبوونەوەی ئەنجومەنی پارێزگاوە، کات دیاری نەکراوە بۆ دانانی پارێزگار و پێویستی بەرێککەوتنی لایەنەکان هەیە”.  

عەسکەری لەبارەی بۆچونی لایەنەکان لەسەر کاندیدەکەیان دەڵێت”تاکوئێستا نەمان بیستووە، لایەنەکان کێشەیان هەبێت لەگەڵ ئەو کاندیدە، دەڵێن پارتی جار جار هەندێ کێشەیان هەیە، بەڵام پارتی کێشەی لەگەڵ هاتنەوەیە بۆ کەرکوك، نەك لەگەڵ ئەوکاندیدە”.

ئەو ئەندامەی ئەنجومەنی پارێزگای کەرکوك، ئاماژەی بەوەشکرد، کە عەرەب و تورکمان خۆیان ئەدزنەوە لەو بابەتە، عەرەب بارودۆخەکەیان بەدڵە و تورکمانەکان، کێشەی گەورەیان هەیە لەبەینی شیعە و سونە و پۆستی سەرۆکی ئەنجومەنی پارێزگای کەرکوك، بەهەڵبژاردنی پارێزگارەوە دەبەستنەوە .

ئەحمەد عەسکەری داودەکات، پارتی بگەڕێتەوە کەرکوك ودەڵێت”تەمەنا دەکەین، پارتی بێنەوە ناو کۆبوونەوەکان بۆ ئەوەی بتوانین کێشەکانی پارێزگار و هەر تێبینییەکیشیان هەبێت لەوێ باسی بکەن”.

Share.

About Author

بوچون نوسین داخراوە.

Social Media Auto Publish Powered By : XYZScripts.com